Хонанда Дилноз мухлислари узоқ кутган навбатдаги янги таронасини тез кунларда тақдим этади. Янги қўшиқ “Дилбарим эдингку” деб номланиб, тингловчиларга чуқур маъно ва самимий туйғуларни улашиши билан эътиборни тортмоқда.
Санъаткор ушбу кутилаётган премьера ҳақида ижтимоий тармоқлардаги саҳифаси орқали маълум қилиб, қўшиқ устида жамоаси билан бирга катта иштиёқ ва масъулият билан ишланганини таъкидлади. Унинг сўзларига кўра, “Дилбарим эдингку” таронаси севги, соғинч ва юракка яқин кечинмаларни ўзида мужассам этган бўлиб, мухлислар қалбидан жой олишига ишонч билдирилмоқда.
Мазкур янгилик Дилнознинг мухлислари томонидан катта қувонч билан кутиб олинди. Изоҳларда кўплаб обуначилар қўшиқнинг тезроқ премьера қилинишини сабрсизлик билан кутишаётганини ёзиб, хонандага омад ва янги ижодий зафарлар тилашмоқда.
“Zamin”ни Telegram'да ўқинг!
