Хонанда Райҳон "No Filter" кўрсатувидаги суҳбати давомида болалигида балерина бўлишни орзу қилгани, у бу йўл осон эмаслигини билса-да, ўз мақсади сари бориш учун ҳамма нарсага тайёр бўлгани, балет мактабларида интизом жуда қатъий бўлишини, баъзан ҳатто қаттиқ муомала қилишлари ҳам мумкинлигини у яхши тушунганини айтиб берди.
Шунга қарамай, Райҳон бу санъатга шунчалик қизиққанки, уйида ҳам оддий тапочкалар ўрнига балетчиларга хос пўантларда юришни машқ қилган.
Бироқ унинг онаси бу қарорга қатъий қарши бўлган. У қизини огоҳлантириб:
“Агар балерина бўлишни истасанг, аввало пианино чалишни ўрганишинг керак”, деб шарт қўйган.
Айнан шу талаб Райҳон ҳаётида муҳим бурилиш бўлган. Натижада у нафақат балетга, балки мусиқа санъати ва меҳнатга ҳам чуқур меҳр қўйган. Кейинчалик айнан шу сабоқ унинг ижодий йўлига мустаҳкам пойдевор бўлиб хизмат қилди.
“Zamin”ни Telegram'да ўқинг!
