Турк хонандаси Риза Тамер вафот этди
Туркиялик машҳур хонанда Риза Тамер 17 апрель куни 42 ёшида вафот этди. У Бодрумдаги уйида ўзини ёмон ҳис қилгач шифохонага олиб борилган, аммо шифокорлар уни қутқара олишмаган. Дастлабки маълумотларга кўра, хонанданинг аҳволи рецепт бўйича қабул қилган дориларидан сўнг оғирлашган. Ўлим сабабларини аниқлаш мақсадида прокуратура томонидан текширув бошланган.
"Benden Sonra," "Benim Yerime," "Yan" ва "Adam Olmaz" каби мазкур қўшиқлари орқали кўпчилик мухлислар эътиборини қозонган туркиялик қўшиқчи Риза Тамер 17 апрель куни 42 ёшида вафот этди. Бу ҳақда Ҳурриет хабар берди.
Туркия ОАВда тарқалган хабарларга кўра, хонанда Бодрумдаги уйида ўзини ёмон ҳис қилгач шифохонага етказилган, бироқ барча уринишларга қарамай ҳаётини сақлаб қолишнинг имкони бўлмаган.
Дастлабки маълумотларда унинг аҳволи қабул қилган рецепт дориларидан сўнг оғирлашгани айтилмоқда. Ўлим ҳолати шубҳали деб топилгани сабабли прокуратура томонидан текширув ишлари бошланган. Қайд этилишича, хонанданинг ўлимига аниқ нима сабаб бўлгани суд-тиббий экспертиза хулосасидан сўнг маълум қилинади.
Ҳозирча расмий органлар томонидан якуний хулоса эълон қилинмаган.
Изоҳлар 0
…