Каземиро: "У энг яхшиси, умид қиламанки у МЮда қолади"

Ярим ҳимоячи Каземиро ўзининг "Манчестер Юнайтед"га трансфери ҳақида гапирди.
"Ёддан чиқарманг, мен дунёнинг энг йирик клубларидан бирига ўтдим. Ушбу клуб буюклик борасида "Реал" билан бемалол рақобатлаша олади.

Роналду билан ҳозирча гаплашганим йўқ. Умид қиламанки, у жамоада қолади, чунки у барча даврларнинг энг яхши футболчиларидан бири.

"Манчестер Юнайтед"га ўз қадриятини қайтаришга ҳаракат қиламан. Буни "Реал" менга яхши ўргатган: ҳар куни машғулотлар орқали ғалабага эришиш йўлини топиш.

Премьер-лигани ичидан томоша қилишни истайман. 30 ёшимда фаолиятимнинг чўққисига чиқдим. Умид қиламанки, фаолиятимнинг ушбу қисмидан завқ оламан", - деди Каземиро.

Янгиликлар