Миллатлар Лигасида ярим финалга чиққан ва қуйи лигаларга тушиб кетган жамоалар номи маълум бўлди

^{Фото: УЕФА}
Футбол бўйича УЕФА Миллатлар Лигасида гуруҳ босқич ўйинлари якунланди.

Сўнгги кунги баҳсларда Испания терма жамоаси Альваро Моратанинг урган голи эвазига Португалияни мағлуб этди ва ярим финал йўлланмасига эга бўлди. Ушбу гуруҳда сўнгги ўринни қўлга киритган Чехия эса Б Лигага равона бўлди.

Аввалроқ Хорватия, Нидерландия ва Италия плей-оффга йўлланма олганди.

Миллатлар Лигасининг ярим финал баҳслари 2023 йилнинг 14 ва 15 июнь кунлари бўлиб ўтади. Учинчи ўрин учун баҳс ва финал ўйини 18 июнь куни ўтказилади. Мазкур босқичнинг ўтказилиш жойи январь ойида маълум қилинади.

Шунингдек, 2024/25 йилги мавсум гуруҳларида қуйидаги ўзгаришлар юз берди:

• А Лигага кўтарилди: Шотландия, Босния ва Герцеговина, Сербия, Исроил;
  
• Б Лигага тушиб кетди: Англия, Австрия, Чехия, Уэльс;
  
• Б Лигага кўтарилди: Туркия, Греция, Қозоғистон, Грузия;
  
• C Лигага тушиб кетди: Арманистон, Руминия, Швеция, Россия.
  
• C Лигага кўтарилганлар: Эстония, Латвия
  
• Кипр, Беларусь, Литва ва Гирталтар плей-офф баҳсларида иштирок этади. Мағлуб бўлган икки жамоа Д Лигага тушиб кетади.

Эслатиб ўтамиз, Б Лигада ҳаракат қилган Россия терма жамоаси мусобақадан четлатилган. “Замин” янгиликларини “Инстаграм”да кузатиб боринг