ЕЧЛ. «Тоттенҳэм» гуруҳда етакчи сифатида плей-оффга чиқди, «Ливерпуль» эса «Наполи»ни ишончли ҳисобда мағлуб этди

Футбол бўйича Чемпионлар Лигасининг 6-туридан ўрин олган ўйинлар 1 ноябрь, сешанба куни бўлиб ўтди.

D гуруҳида «Тоттенҳэм» Францияда «Марсель» меҳмони бўлди. Биринчи бўлим сўнги Шансел Мбемба французларни ҳисобда олдинга олиб чиқди. 54-дақиқада Клеман Лангле мувозанатни тиклади. Қолган дақиқалар шиддатли тарзда давом этган бўлса-да, рақиб дарвозаси ишғол қилинмади. Бироқ, ҳакам қўшиб берган сўнгги дақиқада Пьер-Эмиль Ҳёйберг лондонликларга муҳим бўлган ғалабани келтирувчи голни урди.

Иккинчи ўйинда «Айнтрахт» «Спортинг» устидан зафар қучди.

Шу тариқа «шпорлар» муҳим 3 очкони қўлга киритиб, 1-ўринни эгаллади. «Айнтрахт» ҳам сўнгги турда плей-офф йўлланмасини ҳал қилди. «Спортинг» Европа Лигасига йўл оладиган бўлди. «Марсель» эса мағлубиятдан сўнг сўнгги ўринга тушиб кетди.

«Марсель» – «Тоттенҳэм» 1:2
Голлар: 1:0 – 45 Мбемба, 1:1 – 54 Лангле, 1:2 – 90+5 Ҳёйберг.
«Марсель»: Лопес, Клосс (Каборе, 74), Мбемба, Байи (Жиго, 9; Колашинас, 73), Балерди, Нуну Тавареш, Верету (Ундер, 74), Ронже (Суарес, 83), Ҳарит, Гендузи, Санчес.
«Тоттенҳэм»: Льорис, Дайер, Дэвис, Лангле, Сессеньон (Эмерсон, 46), Перишич, Ҳёйберг, Бентанкур (Скипп, 84), Сон Ҳён Мин (Биссума, 29), Лукас Моура (Ҳил, 90), Кейн.
Огоҳлантиришлар: Лангле (57), Стеллини (68), Балерди (76), Ҳёйберг (90).

«Спортинг» – «Айнтрахт» 1:2
Голлар: 1:0 – 39 Артур, 1:1 – 62 Камада (пенальти), 1:2 – 72 Коло-Муани.
«Спортинг»: Адан, Порро, Коатес, Сен-Жюст (Жоване Кабрал, 78), Инасиу, Нуну Сантуш (Матеус Рейс, 32), Артур, Угарте (Эссугу, 63), Педру Гонсалвеш, Паулинью, Эдвардс (Тринкау, 63).
«Айнтрахт»: Трапп, Якич (Смолчич, 81), Ндика, Тута, Пеллегрини, Эбимбе (Кнауфф, 69), Соу, Камада, Геце (Алиду, 90), Линдстрем (Роде, 46), Коло-Муани (Борре, 80).
Огоҳлантиришлар: Якич (7), Камада (14), Матеус Рейс (35), Паулинью (45), Соу (58), Инасиу (90), Пеллегрини (90).

D гуруҳидаги якуний вазият қуйидагича кўринишга эга бўлди:


А гуруҳида эса «Ливерпуль» «Наполи» устидан ишончли ғалабага эришди. Мерсисайдликлар сафида Муҳаммад Салоҳ ва Дарвин Нуньеслар гол муаллифига айланди.

Гуруҳнинг иккинчи ўйини «Аякс» ва «Рейнжерс» ўртасида кечди. Амстердамликлар Стевен Бергейснинг голи эвазига ҳисобни очди. 29-дақиқада Муҳаммад Кудус иккинчи голни урди. 87-дақиқада Жеймс Таверне пенальтидан унумли фойдаланиб, ҳисобни қисқартирди. Бироқ орадан 2 дақиқа ўтиб, Францишку Консенсау «Аякс»га ишончли ғалабани тақдим этувчи гол муаллифига айланди.

Неаполликлар А гуруҳини 15 очко жамғарган ҳолда 1-ўринда якунлади. «Ливерпуль» ҳам худди шунча очко билан 2-поғонани банд этди. «Аякс» Европа Лигасида иштирок этадиган бўлди. «Рейнжерс» эса 0 очко билан гуруҳ аутсайдерига айланди.

«Ливерпуль» – «Наполи» 2:0
Голлар: 1:0 – 85 Салоҳ, 2:0 – 90 Нуньес.
«Ливерпуль»: Alisson, Александер-Арнольд (Рэмзи, 87), ван Дейк, Конате, Цимикас, Милнер (Эллиотт, 48), Тиаго Алькантара (Байчетич, 87), Фабиньо, Жонс (Нуньес, 73), Фирмино (Карвалью, 87), Салоҳ.
«Наполи»: Мерет, Ди Лоренцо, Эстигор, Ким Мин Чже, Оливера, Лоботка (Зелиньски, 83), Замбо-Ангисса, Ндомбеле (Распадори, 87), Политано (Лосано, 70), Осимҳен (Симеоне, 87), Кварасхелия (Элмаз, 83).
Огоҳлантиришлар: Конате (36), Александер-Арнольд (73), Нуньес (90).

«Рейнжерс» – «Аякс» 1:3
Голлар: 0:1 – 4 Бергейс, 0:2 – 29 Кудус, 1:2 – 87 Таверне (пенальти), 1:3 – 89 Францишку Консейсау.
«Рейнжерс»: Макгрегор, Таверне, Сендс, Кинг, Баришич, Дэвис (Камара, 60), Арфилд (Лоури, 84), Чолак (Морелос, 60), Кент (Матондо, 83), Сакала, Тиллман (Райт, 61).
«Аякс»: Пасвеер, Санчес, Басси, Тимбер, Вейндал (Ренсх, 44), Альварес, Taylor (Гриллич, 87), Кудус, Тадич, Бергейс (Классен, 55), Бергвейн (Францишку Консейсау, 88).
Огоҳлантиришлар: Taylor (19), Ренсх (55), Францишку Консейсау (90).

А гуруҳидаги якуний вазият қуйидагича кўринишга эга бўлди:
“Замин” янгиликларини “Telegram”да кузатиб боринг