“Рома” ёзги трансферлар вақтида ўз таркибига “Ювентус”дан кетган Пауло Дибала ҳамда “Торино” билан шартномаси тугаган Андреа Белоттини қўшиб олганидан кейин Рим клубидаги легионеримиз Элдор Шомуродовнинг ўйин амалиёти сезиларли даражада камайиб кетди.
Мавсум бошланганидан бери Шомуродовга бирор марта учрашувни илк дақиқадан бошлаш имкони берилмади. Уч ой давомида атиги бир соатдан сал кўпроқ майдонда кўриниш берди.
Рим клубига кучли ҳужумчилар келганига қарамай, Жозе Моуриньо олдинги чизиқдаги ҳолатдан қониқмаяпти.
Спорт директори Тьягу Пинто “Будё-Глимт” ҳужумиси Ола Сольбаккен трансферини ижобий ҳал қилиб қўйди. Эрлинг Холанднинг ҳамюрти январда Римда бўлади.
Энди “бўрилар” ўз сафига “Барселона” тўпурарларидан Мемфис Депайни қўшиб олмоқчи. Каталонияга аввалги бош мураббий Рональд Куман даврида олиб келинган ҳужумчини ҳозир жамоани бошқараётган Хави Эрнандес чиқиштирмаяпти.
“Барса”ни нидерландияликлардан тозалашга киришган испан мутахассиси қишки трансферлар вақтида биринчи бўлиб Нидерландия терма жамоаси аъзолари – Френки де Йонг ва Мемфис Депайдан қутилмоқчи эканини маълум қилиб бўлган.
Испан матбуотининг ёзишича, Жозе Моуриньо “Рома” ҳужумини Мемфис Депай билан кучайтиришни истаяпти. Португалиялик мутахассис спорт директорига бу трансфер бўйича иш бошлашни тайинлагани айтилмоқда.
Мемфис Депайга А Сериянинг ўзидан “Ювентус” ҳам жиддий қизиқиш билдиряпти. Лекин Турин клубида пасайиш, Рим жамоасида кўтарилиш давом этаётгани боис, Депай “бўрилар” таклифини қабул қилиш эҳтимоли каттароқ.
28 ёшли футболчи 2021 йилнинг ёзида “Лион”дан “Барселона”га эркин агент сифатида келганди. Унинг амалдаги шартномаси мавсум охирида якунланиши боис, каталонияликлар январда уни 20-25 миллион еврога қўйиб юбаради.
Депайнинг ўзи ҳам кетишга қарор қилиб бўлган. Чунки мавсум бошидан бери уч марта майдонга тушди ва қисқа вақтда битта гол ургани ҳам Хави Эрнандеснинг ишончини уйғотмади.
Агар “Рома” Мемфис Депай трансферини уддаласа, Элдор Шомуродовга таркибдан умуман жой тегмайди. Чунки нидерландиялик юлдуз ҳам худди легионеримиз каби асосан чап қанот ва марказий ҳужумчи позицияларида ўйнайди.
Эслатиб ўтамиз, Мемфис Депай “ПСВ Эйндховен” тарбияланувчиси ҳисобланади. Фаолияти давомида “Манчестер Юнайтед” ва “Лион”да ҳам тўп тепган. Клублар миқёсида жами 418 та учрашувда майдонга тушиб, рақиблар дарвозасини 159 маротаба ишғол қилган ҳамда жамоадошларига 96 та голли пас узатган.
Нидерландия терма жамоасида 2013 йилдан бери 80 та ўйин ўтказиб, ўз ҳисобига 42 та гол ёздириб қўйгани унинг тўпурарлик маҳоратидан далолат беради. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Организм ўзини токсинлардан қандай тозалайди?
АҚШ ҳарбийлари орасида ўз жонига қасд қилиш кўпайди
АҚШ Исроилнинг икки вазирига санкция қўлламоқчи
Буйрак саломатлиги учун энг фойдали сабзавот...
Яхши пишган ва мазали анор танлашга ёрдам берадиган тавсиялар
Apple донгдор икки айфонини расман эскирган деб эълон қилди
Энди операциядан сўнг кесмалар ўрни икки баробар тезроқ битиши мумкин
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
