Қатарда бўлиб ўтаётган футбол бўйича жаҳон чемпионати 1-тури доирасидаги сўнгги баҳсда Бразилия Сербияга қарши майдонга тушди. Қизиқарли ва турнинг, эҳтимол мусобақанинг энг чиройли голи киритилган баҳсда "пентакампеонлар" ишончли ҳисобда ғалаба қозонди - 2:0.
Учрашувнинг дастлабки дақиқаларидан кескин ҳужумлар остида бошланди. Ҳар икки жамоа ҳам тўпни кўпроқ назорат қилишга уруниб, рақиб дарвозаси олдидан бир қанча хавфли вазиятлар ҳосил қилди. Бироқ учрашувнинг илк бўлимида мухлислар гол кўришмади.
Иккинчи тайм бироз шимолий америкаликлар устунлиги остида бошланди ва буни 63-дақиқага келиб таблодаги натижа эвазига ҳам исботлаб қўйди. Винисиус чап қанотдан дарвоза томон зарба йўллади, бироқ серблар посбони тўпни қайтариб юборди ва қайтган тўп Ришарлисонга келиб тушди. "Тоттенхэм" ҳужумчиси эса очиқ қолган дарвозага зарба йўллаган ҳолда ўйиндаги ҳисобни очди - 1:0.
Орадан бироз вақт ўтиб, аниқроғи 74-дақиқада Ришарлисон яна катта саҳнага чиқди. У Винисиуснинг ажойиб узатмасидан кейин тўпни ўзига ажойиб тарзда тўғрилаб олди ва чалқанча усулда Сербия дарвозасига супер гол киритди - 2:0
Учрашувнинг қолган дақиқалари ҳам кескин курашлар остида ўтди, ҳар икки жамоа ҳам бошқа гол уришни уддалай олмади. Шу тариқа, Бразилия биринчи турдан кейин 3 очко тўплаган ҳолда ўз гуруҳида етакчига айланиб олди.
Бразилия – Сербия 2:0 (0:0, 2:0)
Голлар: 1:0 – 62 Ришарлисон, 2:0 – 73 Ришарлисон.
Бразилия – Алиссон, Данило, Тиаго Силва, Маркиньос, Алекс Сандро, Каземиро, Лукас Пакета (Фред, 75), Неймар (Антони, 80), Ришарлисон (Габриэл Жезус, 79), Рафинья (Мартинелли, 87), Винисиус Жуниор (Родриго, 76).
Сербия – Милинкович-Савич, Велькович, Миленкович, Павлович, Младенович (Влахович, 66), Гудель (Илич, 57), Милинкович-Савич, Лукич (Лазович, 66), Живкович (Радонич, 57), Тадич, Митрович (Максимович, 83).
Огоҳлантиришлар: Павлович (7), Гудель (49), Лукич (64).
“Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рашида Толиб Конгресс аъзоларига «аччиқ ҳақиқат»нинг суратини кўрсатди
Туркиянинг Harper’s Bazaar нашри йил аёлини аниқлади (фото)
Айрим бошқарув сервис компаниялари шартномаларида асоссиз шартлар белгилангани аниқланди
20 ёшли ўзбекистонлик қизни қариндоши Туркияга сотиб юборди
Эрон АҚШдан 1 трлн доллар компенсация талаб қилди
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
КХДР етакчиси дронларни оммавий ишлаб чиқаришни йўлга қўйишни буюрди
Шольц ва Путин ўртасидаги суҳбат Киевга сигнал бўлди
