Аргентина терма жамоаси ЖЧ—2022 ярим финали доирасида Хорватияга қарши кечадиган учрашувга «жирканч режа» тузиб қўйган, дея хабар қилмоқда Хорватиянинг Jutarnij List нашри.
Аргентиналик футболчиларга ўйин вақтида рақибни провокация қилиш топширилган. Бу ҳақда аргентиналик футболчи Европадаги клубдошларига маълум қилган. Ўша ўйинчи клубдошлари билан бўлган видеосуҳбатда Аргентина «рақибни 60 дақиқа ичида синдириши ва ғалабани нақд қилиши» ҳақида айтган.
Аргентиналиклар Хорватиянинг «асаби нозик» ўйинчиларини провокация қилиш орқали 60 дақиқа ичида иккита гол уриш ёки рақиб футболчиларидан бирининг қизил карточка олишини режа қилган.
Жанубий Америка терма жамоасининг уч нафар вакили рақиб футболчиларини қуюшқондан чиқариш бўйича «махсус кўрсатма» олган.
Қайд этилишича, Хорватия терма жамоаси бош мураббийи Златко Далич бу борада огоҳлантирилган.
«Биз Аргентина нима қилмоқчи эканлигини аниқ айта олмаймиз, бироқ улар рақибни қуюшқондан чиқариш ва хато қилишга мажбурлашни истаганда ўзини қандай тутишини биламиз. Бу тактикани Нидерландияга қарши ўйинда кўрдик. Улар ғалаба учун барча ишни қилишдан қўрқмайди.
Ҳайрон қолдирадиган нарса йўқ, аммо афсуски, кимдир Жаҳон Чемпионати финалига чиқиш учун жирканч усулдан фойдаланишга тайёр. Бунга қарши чиқиш ва хотиржамликни сақлаш жуда қийин, бироқ Хорватия концентрацияни йўқотмаслиги керак. Хотиржамликни сақлаш ва Аргентинани майдонда мағлуб этиш керак. Энг ёмон вариант — таслим бўлиш ва ҳаваскорлар каби ютқазиш. Бунга йўл қўйиб бўлмайди», — дея ёзилади Jutarnij List нашрида.
Аргентина ва Хорватия терма жамоалари ўртасидаги учрашув 13 декабрь тунида 00:00 да бошланади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
20 ёшли ўзбекистонлик қизни қариндоши Туркияга сотиб юборди
Шольц ва Путин ўртасидаги суҳбат Киевга сигнал бўлди
Туркия Исроил президенти самолётини ҳаво ҳудудига киритмади
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Айрим бошқарув сервис компаниялари шартномаларида асоссиз шартлар белгилангани аниқланди
Туркиянинг Harper’s Bazaar нашри йил аёлини аниқлади (фото)
Эрон АҚШдан 1 трлн доллар компенсация талаб қилди
Рашида Толиб Конгресс аъзоларига «аччиқ ҳақиқат»нинг суратини кўрсатди
