ЖЧ-2022. Аргентина терма жамоаси - жаҳон чемпиони!

Футбол бўйича ЖЧ—2022 финалида Аргентина ва Франция терма жамоалари 18 декабрь, якшанба куни ўзаро тўқнаш келди.

Учрашув Жанубий Америка вакилларининг ҳужумлари билан бошланди. Биринчи бўлим ўртасида аргентиналиклар пенальтидан урилган гол эвазига олдинга ўтиб олди: Лео Месси 11 метрлик жарима зарбасидан муваффақиятли фойдаланди.

36-дақиқада Анхель ди Мария жамоасининг қарши ҳужумини гол билан якунлади. Иккинчи бўлимнинг дастлабки қисми ҳам Аргентинанинг назорати остида ўтди.

Учрашувнинг асосий вақти якунланиб бораётган вақтда французлар босимни кучайтирди. 80-дақиқада Килиан Мбаппе пенальтини аниқ амалга оширган ҳолда ҳисоб қисқартирган бўлса, орадан бир дақиқа ўтиб Мбаппе мувозанатни тиклади.

Қолган вақтда ҳисоб ўзгармагач, қўшимча бўлимларга мурожаат қилинди. 109-дақиқада Месси дубль қайд этган ҳолда, Аргентинанинг учинчи голини урди. 118-дақиқада Мбаппе ўзи ишлаб олган пенальтидан унумли фойдаланиб, яна ҳисобни тенглаштирди.

Пенальтилар сериясида Аргентинанинг қўли баланд келди. Шу тариқа Аргентина жаҳон чемпионига айланди.

ЖЧ—2022
Финал
Аргентина — Франция 3:3
Голлар: 1:0 – 23, пенальти Месси, 2:0 – 36 Ди Мария, 2:1 – 80, пенальти Мбаппе, 2:2 – 81 Мбаппе, 3:2 – 109 Месси, 3:3 – 118, пенальти Мбаппе.
Пенальтилар серияси — 4:2

Аргентина: Мартинес, Molina (Монтиел, 90), Отаменди, Ромеро, Тальяфико (Дилаба, 120+1), Де Пол (Паредес, 102), Мак Аллистер (Песселя, 116), Фернандес, Ди Мария (Акуня, 64), Месси, Альварес (Мартинес, 103).
Франция: Льорис, Кунде (Дисаси, 120+1), Варан (Конате, 113), Упамекано, Эрнандес (Камавинга, 71), Рабьо (Фофана, 96), Тчуамени, Жиру (Тюрам, 41), Гризманн (Коман, 71), Дембеле (Коло-Муани, 41), Мбаппе.

Огоҳлантиришлар: Фернандес (45), Рабо (55), Тюрам (87), Акуня (90+8), Паредес (114), Монтиел (116) “Замин” янгиликларини “Одноклассники”да кузатиб боринг