"Рома" - "Фиорентина": Моуриньо Шомуродовга сўнгги имконни берадими? (тахминий таркиб)

А Серияда 18-тур ўйинлари давом этмоқда. Бугун яна 6 та учрашув бўлиб ўтади.

Улардан бирида Элдор Шомуродов ҳаракат қилаётган "Рома" клуби ўз майдонида "Фиорентина"га қарши саф тортади. Баҳс бизнинг вақт билан соат 00:45 да бошланади.

Ушбу қарама-қаршилик олдидан жаҳонга машҳур AS нашри тахминий таркибларни тузиб чиқди. Унга кўра, катта эҳтимол билан "Торино"га ижарага бериб юбориладиган легионеримиз ўйинни захира ўриндиғида бошлайди.