Элдор Шомуродов мавсумни “Специя”да якунлаб қўядиган бўлди. Бу трансферга учала томон – “Рома”, “Специя” ва футболчининг ўзи розилик берган.
“Рома” ўйин амалиётига эга бўлмаётган ҳужумчидан қутилди. Ўткир ҳужумчига эҳтиёж сезаётган “Специя” жамоага ёрдам бериши кутилаётган ўйинчига эга бўлди. Элдор Шомуродов эса, ниҳоят имкон берилса, А Серияда ўйнай олишини яна бир карра исботлаб қўядиган бўлмоқда.
Энди ижара шартномаси расмийлаштирилиши қолди холос.
Таниқли инсайдер Жанлуижи ди Марцио ўзининг gianlucadimarzio.com сайти орқали хабар беришича, Элдор Шомуродов бугун Ла Специяга келиб, янги жамоаси учун тиббий кўрикдан ўтиши кутилмоқда.
Тиббий кўрикдан кейин томонларнинг муносабатлари шартнома орқали “михланади”.
“Рома” ва “Специя” ўртасида ўтказилган музокара натижаларига кўра, Элдор Шомуродов мавсумнинг қолган қисмини Лигурия клубида ўтказади. “Специя” ижара муддати учун римликларга 1,5 миллион евро тўлайди. “Рома” даъвогар жамоага футболчини кейинчалик сотиб олиш ҳуқуқини бермади. Балки бош мураббий Жозе Моуриньо ва спорт директори Тьягу Пинто Элдорнинг ўйини очилиб кетишини кутаётгандир.
“Специя” бош мураббийи Лука Готтининг ёрдамичиси Фабрицо Лорьери бу трансферга қуйидагича муносабат билдирди.
- Трансер бозори ҳамма қандайдир янгилик кутадиган палла ҳисобланади. Мутасаддилар иш олиб бормоқда ва трансферлар ҳақида қайғуряпти.
Трансферлар даври ҳар доим ўзига хос хусусиятларни қамраб олади. Буни ҳаммадан кўп ўйинчилар ҳис қилишини алоҳида таъкидлаш лозим. Биз амалга оширилаётган трансфер жараёни тезроқ якунланишини истаймиз. Футбол атрофидаги вазиятлар кейин ҳал қилинаверади, - деди Фабрицио Лорьери.
Томонлар келишувига кўра, мавсум якунлангач, Элдор Шомуродов Римга қайтади. Энди буёғи ҳужумчимизнинг ўзига боғлиқ бўлади. “Специя”да рақобатбардошлигини исботлай олса, Моуриньо уни келаси мавсум ўйин амалиёти ваъдаси билан яна “Рома”да олиб қолиши мумкин. Чунки ёзда Рим клубини бир неча ҳужумчи – Николо Дзаньоло, Андреа Белотти ва Тэмми Абрахам тарк этиши мумкинлиги ҳақида маълумотлар чиқмоқда.
Қолаверса, Жозе Моуриньо фақат Пауло Дибаладан бошқа бирор ҳужумчига асосий таркибдан жой кафолатлаган эмас ва Тьягу Пинто барча форвардлар бўйича даъвогарлардан тушадиган таклифларни кўриб чиқишга тайёр.
Таъкидлаш лозимки, А Сериядаги жойини сақлаб қолиш учун курашаётган “Специя”га гол урадиган футболчи сув-ва ҳаводек зарур. Ҳозиргача ўтказилган 20 та учрашувда бу жамоа вакилларидан фақат олти киши рақиб дарвозасини ишғол қила олган. Жами 17 та голдан тўққизтасини ўз ҳисобига ёздириб қўйган франциялик легионер Мбала Нзола жароҳати туфайли жамоага ёрдам бера олмаяпти.
Яна бир маълумот – Шомуродов янги жамоасида ҳам 14-рақамни танлаш имкониятига эга. Бу рақам ҳозирча бўш турибди. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
20 ёшли ўзбекистонлик қизни қариндоши Туркияга сотиб юборди
Эрон АҚШдан 1 трлн доллар компенсация талаб қилди
Жо Байден: “Баъзан хотиним мени космосга жўнатиш билан таҳдид қилади”
Туркиянинг Harper’s Bazaar нашри йил аёлини аниқлади (фото)
Шольц ва Путин ўртасидаги суҳбат Киевга сигнал бўлди
Рашида Толиб Конгресс аъзоларига «аччиқ ҳақиқат»нинг суратини кўрсатди
Айрим бошқарув сервис компаниялари шартномаларида асоссиз шартлар белгилангани аниқланди
Россиялик депутат: «Олий маълумотлиларнинг курерлик қилиши — ватанпарварликка зид»
