Европа Лигаси. “Арсенал” Лиссабонда дуранг ўйнади, “Рома” испан клубидан устун келди

Футбол бўйича Европа Лигаси 1/8 финал дастлабки баҳслари доирасидаги тўртта ўйин 9 март, пайшанба оқшомида бўлиб ўтди.

“Арсенал” Лиссабонда “Спортинг” меҳмони бўлди. Учрашувнинг 22-дақиқасида лондонликлар Вильям Салибанинг голи эвазига олдинга ўтиб олди. 34-дақиқада майдон эгалари мувозанатни тиклади. Иккинчи бўлим бошида Паулиню португал клубининг иккинчи голини урди. 62-дақиқадаги автоголдан кейин ҳисоб яна тенглашди. Қолган вақтда дарвозалар дахлсиз қолди.

“Рома” ўз уйида “Реал Сосьедад”ни қабул қилди. Стефан аш-Шаарави ва Мараш Кумбуланинг голлари италян клубига ғалаба олиб келди.

Леверкузеннинг “Байер” жамоаси ўз майдонида “Ференсварош”ни 2:0 ҳисобида енгди. “Унион” ва “Юнион” беллашувида жанговар дуранг қайд этилди.

Мазкур жуфтликлар ўртасидаги жавоб баҳслари 16 март куни бўлиб ўтади.

Европа Лигаси

1/8 финал, дастлабки ўйин

9 март, пайшанба

“Спортинг” (Португалия) – “Арсенал” (Англия) 2:2

Голлар: 0:1 – 22 Салиба, 1:1 – 34 Инасиу, 2:1 – 55 Паулиню, 2:2 – 62, автогол Морита.

“Спортинг”: Адан, Эшгайю (Диоманде, 76), Коатес, Сен-Жюст, Инасиу, Матеус Рейс, Педру Гонсалвеш, Морита, Паулиню (Шермити, 76), Эдвардс (Иссаҳаку, 89), Тринкау (Нуну Сантуш, 71).

“Арсенал”: Тёрнер, Уайт, Кивер (Габриэль, 71), Салиба, Зинченко (Томиясу, 63), Жака, Жоржиньо (Парти, 71), Фабиу Виейра, Сака, Нелсон (Смит-Роу, 71), Мартинелли.

Огоҳлантиришлар: Коатес (23), Зинченко (23), Мартинелли (43), Морита (58).

“Рома” (Италия) – “Реал Сосьедад” (Испания) 2:0

Голлар: 1:0 – 13 аш-Шаарави, 2:0 – 87 Кумбула.

“Рома”: Руй Патрисиу, Карсдорп, Смоллинг, Льоренте (Кумбула, 46), Манчини, Матич, Кристанте, Пеллегрини (Вейналдум, 60), Дибала (Бове, 88), Абраҳам (Белотти, 61), аш-Шаарави (Спинаццола, 60).

“Реал Сосьедад”: Ремиро, Горосабел (Сола, 83), Ле Норман, Субелдия, Рико, Сильва (Турриентес, 83), Ильярраменди (Мендес, 75), Мерино, Субименди, Кубо (Чо, 75), Сёрлот (Ойарсабаль, 67).

Огоҳлантиришлар: Ильярраменди (69), Субелдия (71), Горосабел (80), Субименди (85), Ойарсабаль (90), Матич (90).

“Унион” (Германия) – “Юнион” (Бельгия) 3:3

Голлар: 0:1 – 28 Бонифасе, 1:1 – 42 Юранович, 1:2 – 58 Вертессен, 2:2 – 69 Кнохе, 2:3 – 72 Бонифасе, 3:3 – 89 Михел.

“Байер” (Германия) – “Ференсварош” (Венгрия) 2:0

Голлар: 1:0 – 9 Демирбай, 2:0 – 86 Тапсоба.