А Серия 26-туридан ўрин олган "Специя" - "Интер" баҳси якунланди. Мазкур беллашувда майдон эгалари 2:1 ҳисобида кучли рақибдан устун келди.
Дастлаб, Шомуродов ўрнига захирадан майдонга тушган Мальдини 55-дақиқада ҳисобни очишга муваффақ бўлди. 82-дақиқада ўтиб бораётган бир пайтда Лукаку пенальтидан унумли фойдаланиб, мувозанатни тиклади. Кўп ўтмай, аниқроғи, 86-дақиқада "Специя" ҳам 11 метрли жарима зарбаси тепиш имкониятини қўлга киритди ва Нзола пенальтини голга айлантирди.
Очколари сонини 24 тага етказиб олган специяликлар 17-поғонани банд этиб турибди. "Нерадзуррилар" мағлубиятга қарамай, 2-ўринда қолди.
Қайд этиш лозим, легионеримиз Элдор Шомуродов учрашувни асосий таркибда бошлади ва 2-тайм аввалида захирага олинди.
Специя – Интер 2:1
Голлар: Мальдини (55, 1:0), Лукаку (84-пен, 1:1), Нзола (86-пен, 2:1).
Специя – Дронговски, Амьян, Николау, Кальдара, Ампаду, Висьневски, Бурабия, Журковски (Экдаль, 46), Агудело (Коваленко, 67), Шомуродов (Мальдини, 46; Висниевски, 90), Нзола, Жаси (Феррер, 81).
Интер – Ханданович, Дармиан (Карбони, 80), Д`Амброзио (Думфрис, 66), Ачерби, Бастони, Гозенс (Димарко, 66), Мхитарян (Джеко, 66), Брозович, Барелла (Чалханоглу, 66), Лукаку, Мартинес.
Огоҳлантириш: Жаси (6), Кальдара (12), Николау (71).
“Замин” янгиликларини “Одноклассники”да кузатиб боринг
