Футбол бўйича Европа Чемпионлар Лигасининг ярим финал жавоб баҳсида “Манчестер Сити” ва “Реал” жамоалари 17 май, чоршанба куни ўзаро тўқнаш келди.
Учрашув “шаҳарликлар”нинг кескин ҳужумлари билан бошланди. Кетма-кет ҳужумлардан сўнг, 23-дақиқада Бернарду Сильва ҳисобни очди. 37-дақиқада португалиялик футболчи дублни расмийлаштирди. Биринчи бўлимдан сўнг “Сити” катта устунликка эга бўлди.
Иккинчи бўлимда мадридликлар фаоллашди. Бироқ, 76-дақиқада Аканжининг бош билан урган зарбаси Милитаога тегиб, дарвозадан жой олди. Ўйин сўнгида захирадан майдонга тушган Хулиан Альварес якуний ҳисобни ўрнатди. 4:0 ва Пеп Гвардиола жамоаси финалга йўл олди.
Жамоалар ўртасидаги биринчи учрашувда 1:1 ҳисоби қайд этилганди. “Манчестер Сити” финалда “Интер” билан баҳс олиб боради.
ЕЧЛ
Ярим финал, жавоб баҳси
“Манчестер Сити” (Англия) – “Реал” (Испания) 4:0
Голлар: 1:0 – 23 Бернарду Сильва, 2:0 – 37 Бернарду Сильва, 3:0 – 76 Милитао (автогол), 4:0 – 90 Альварес.
“Манчестер Сити”: Эдерсон, Уокер, Рубен Диаш, Аканжи, Стоунз, Гундўған (Маҳрез, 79), де Брюйне (Фоден, 84), Грилиш, Бернарду Сильва, Родри, Ҳоланд (Альварес, 89).
“Реал Мадрид”: Куртуа, Карвахаль (Васкес, 80), Алаба, Милитао, Камавинга (Тчуамени, 80), Модрич (Рюдигер, 63), Кроос (Асенсио, 70), Вальверде, Винисиус Жуниор, Родриго (Себальос, 80), Бензема.
Огоҳлантиришлар: Рубен Диаш (50), Карвахаль (55), Гундўған (62), Камавинга (75), Грилиш (90).
“Замин” янгиликларини “Инстаграм”да кузатиб боринг
