Жаҳон чемпионати саралаши 1-туридан ўрин олган Туркманистон - Ўзбекистон учрашуви бўлиб ўтди. Унда ҳамюртларимиз 3:1 ҳисобида ғалаба қозонди.
Биринчи бўлим якунида Туркманистон терма жамоасининг 4-рақамли футболчиси Мейлис Дурдиев дарвозамизнинг яқин бурчагини аниқ нишонга олиб ҳисобни очди.
Иккинчи бўлимда вакилларимз кетма-кет ҳужум уюштирди. 57-дақиқада термамиз сардори Элдор Шомуродовнинг узатмасидан сўнг Отабек Шукуров ўйинда мувозанатни тиклаган бўлса, 77-дақиқада Шукуров дублни расмийлаштирди. Бу голга ҳам Шомуродов ассистентлик қилди. Учрашув сўнгида Шукуровнинг супер пасидан кейин Шомуродов ҳам рақиб дарвозасини ишғол қилди - 1:3.
Шу тариқа, Катанец шогирдлари сафарда ишончли ғалаба қозонди.
ЖЧ-2026 ва Осиё Кубоги-2027 қўшма саралаш босқичи
ТУРКМАНИСТОН – ЎЗБЕКИСТОН - 1:3
Голлар: Мейлис Дурдиев 44, - 1:0. Отабек Шукуров 57, - 1:1 (Элдор Шомуродов). Отабек Шукуров 77, - 1:2 (Элдор Шомуродов). Элдор Шомуродов 90+1, - 1:3 (Отабек Шукуров).
Туркманистон: 23.Рахат Жапаров, 2.Гуйчмурат Аннагулиев, 3.Шоҳрат Союунов, 4.Мейлис Дурдиев (6.Алибек Абдураҳмонов, 78), 8.Руслан Мингазов (14.Саназар Тиркисов, 78), 10.Элман Тагаев (9.Мурат Аннаев, 88), 13.Велмурат Баллаков (20.Селим Нурмирадов, 61), 15.Абди Башимов, 17.Алтинмурат Аннадурдиев (7.Арсланмират Аманов, 61), 18.Язгилич Гурбанов, 21.Теймур Чариев.
Захира: 1.Расул Чариев, 16.Рустем Аҳаллиев, 5.Ата Гелдиев, 11.Дидар Дурдиев, 12.Ибраим Маммедов, 19.Roвшенгелди Ҳалмаммедов, 22.Илья Тамуркин.
Ўзбекистон: 1.Ўткир Юсупов, 3.Ҳожиакбар Алижонов (13.Шерзод Насруллаев, 75), 4.Фарруҳ Сайфиев, 5.Рустам Ашурматов, 7.Отабек Шукуров, 9.Одилбек Ҳамробеков, 11.Остон Ўрунов (22.Аббос Файзуллаев, 55), 14.Элдор Шомуродов (6.Азизбек Ғаниев, 90+3), 15.Абдуқодир Ҳусанов, 19.Азизбек Турғунбоев (21.Игорь Сергеев, 55), 23.Ҳусниддин Алиқулов.
Захира: 12.Валижон Раҳимов, 16.Ботирали Эргашев, 2.Алибек Давронов, 8.Жамшид Искандеров, 10.Жасур Яхшибоев, 17.Бобир Абдихолиқов, 18.Абдулла Абдуллаев, 20.Ҳожимат Эркинов.
Огоҳлантиришлар: Одилжон Ҳамробеков 35, Абди Башимов 66.
“Замин” янгиликларини “Twitter”да кузатиб боринг
