«Арсенал» — «Бавария» ва «Реал Мадрид» — «Манчестер Сити» учрашувида футболчилар олган баллар билан танишинг

Кеча тунда Eвропа чемпионлар лигасининг чорак финалидан ўрин олган иккита учрашув бўлиб ўтди. «Арсенал» «Бавария»га қарши майдонга тушган бўлса, «Манчестер Сити» «Реал Мадрид» меҳмони бўлди. Ҳар икки учрашув шиддатли ва голларга бой тарзда ўтди.

Sofascore нашри кечаги ҳар икки учрашувда қатнашган футболчилар учун ўз баҳоларини берди.

Нашрнинг баҳолаши бўйича, Лондонда бўлиб ўтган учрашувда «Арсенал» футболчиси Габриэль Жезус ва «Бавария» ярим ҳимоячиси Леон Горецка 7,7 балл олиб, мазкур учрашувнинг энг яхшилари бўлишди.

Мадридда кечган учрашувда эса энг катта баллни Йошко Гвардиол қўлга киритди. Хорватиялик футболчи ушбу учрашувда 7,8 баллга лойиқ кўрилди.
“Замин” янгиликларини “Инстаграм”да кузатиб боринг