Россия Премьер-лигасининг 24-турида марказий учрашувлар бири “Локомотив” ва ЦСКА ўртасида кечади. Аббосбек Файзуллаев бошланғич таркибда майдонга тушиши кутилаётган бу баҳс ўзбекистонлик футбол ишқибозлари учун ҳам қизиқ эканини алоҳида таъкидлаш лозим.
Совринли ўринлар учун курашаётган ҳар икки жамоа кучли учлик остонасида жойлашган. Деярли бир хил кўрсаткичга эга. Локомотив” ҳам, ЦСКА ҳам тўққизтадан ғалаба ва дуранг, тўрттадан мағлубият қайд этган, 28 тадан тўп ўтказган ва 36 тадан очко жамғарган. Фақат биргина фарқ “армиячилар” киритган голлар сони бештага кўп – 40 та.
Учрашув олдидан “Локомотив”нинг собиқ бош мураббийи Анатолий Бишовец жамоалар имкониятини таҳлил қилиб берди.
— ЦСКА охирги учрашувда “Факел”ни йирик ҳисобда мағлубиятга учратди ва буни қайсидир маънода ютуқ, дейишимиз мумкин. Чунки Ташуев қўл остида воронежликлар осонликча таслим бўлмайдиган жамоага айланди.
Ўша баҳсда “армиячилар” анча ҳаракатчан ва ҳужумкор ўйин кўрсатиб, рақибнинг ҳимоя чизиғига жуда кўп муаммо туғдирди.
“Локомотив”да бош мураббий Михаил Галактионовнинг баёнотидан кейин унинг ўзига ҳам, жамоанинг ички муҳитидаги ҳолат бўйича ҳам турли саволлар келиб чиқмоқда. Лекин шунга қарамай, “темирйўлчилар”да яхшигина салоҳият бор, жамоа яхши савиядаги ўйинчиларни жамлаган.
Бироқ ҳар доим ҳам ўз устунлигингдан фойдалана олмайсан. Бу жамоада катта тажрибага эга бўлган ўйинчилар етарли эмас.
Мен бу тўқнашувда ЦСКА устунликка эга, деб ўйлайман. Бу биринчи навбатда, ҳимоя чизиғининг мустаҳкамлиги билан боғлиқ. Қўшимчасига “армиячилар” Аббосбек Файзуллаевнинг келиши билан ҳужум чизиғида ранг-баранг ечимлар қиладиган жамоага айланди.
Шунинг учун ҳам “Локомотив” майдоннинг рақиб жойлашган томонида фаолроқ ўйнаши керак. Ана ўшанда улар муваффақиятга умид қилиши мумкин, - деди Анатолий Бишовец.
Эслатиб ўтамиз, “Пахтакор” тарбияланувчиси Аббосбек Файзуллаев ўтган йили августда ЦСКАга кўчиб ўтганидан кейин қисқа фурсатда жамоанинг асосий фигураларидан бирига айланди.
20 ёшли ҳужумкор футболчимиз Россия Премьер-лигаси ва мамлакат кубогида ҳозиргача 23 та учрашувда қатнашиб, учта гол ва тўққизта ассист қайд этган.
“Локомотив” ва ЦСКА учрашуви 13 апрель куни Тошкент вақти билан соат 21:30 да бошланади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Москва аэропортларида 1000 га яқин тожикистонлик қолиб кетди
Мигрантларни Россиядан чиқариб юборишнинг янги тартиби таклиф этилди
Воҳид Шамсаи: "Ўзбекистон Осиёда бизга энг яқин ва энг қийин рақиблардан бири эканлигини амалда кўрсатди"
НАТО раҳбари: “Украинага берган ваъдамизни бажармадик”
Осиё кубоги. Ўзбекистон пенальтилар сериясида Тожикистонни мағлуб этди ва бронза медалларини қўлга киритди
Тожикистон ўз фуқароларини «ўта зарурат бўлмаса» Россияга бормасликка чақирди
Глобал Жануб кимники?
Хосе Венансио Лопес: Баъзи вазиятларда ўзимиз назоратни йўқотдик
