Жаҳон футболи тарихида ўз ўрнига эга бўлган Клаудио Раньери ёқимли мукофот билан тақдирланди. “Кальяри” бош мураббийига “Жентльмен бош мураббий” мукофоти топширилди.
72 ёшли мутахассисга бу соврин 2022-2023 йилги мавсумдаги фаолияти учун берилди. Ўшанда Раньери шогирдлари А Серия йўлланмаси учун ўтказилган ҳал қилувчи баҳсда “Бари”ни мағлуб этган эди.
Клаудио Раньери беллашувдан кейин дарров мухлисларга мурожаат қилиб, жамоанинг ғалабасини рақибни таҳқирламаган ҳолда нишонлашни сўраган эди.
Тажрибали устоз айнан мана шу ҳаракати учун нуфузли мукофотга лойиқ кўрилди.
Айни пайтда “Кальяри” А Сериядаги жойини сақлаб қолиш учун яхши имкониятга эга. Ҳал қилувчи паллада Элдор Шомуродов голлари, паслари ва фаол ўйини билан жамоасига катта фойда келтиряпти.
Клаудио Раньери узоқ вақт формасини тиклаган ва кейинчалик жароҳат олиб бир неча ойга сафдан чиққан Элдор Шомуродовни яна ўз даражасига кўтарилишини сабр билан кутди ва легионеримизга ўзини кўрсатиш учун имкон берди.
Италиялик мутахассис жаҳон футболи мураббийлар орасида ўз интизоми, босиқлиги, ўз футбол услубига эга экани, ўйинчилар билан яхши муносабатини сақлаб туриши каби фазилатлари учун қаттиқ ҳурмат қилинади.
Клаудио Раньери профессионал даражадаги мураббийлик фаолиятини 1988 йили ҳозирги жамоаси “Кальяри”дан бошлаган. Унгача “Вигор Ламеция” ва “Путеолана” каби қуйи лига жамоаларида ишлаган.
Кейинчалик Раньери Италия, Испания, Англия, Франция, Греция каби мамлакатларда жами йигирмага яқин жамоаларни бошқарди.
Таниқли мутахассис ҳозирги “Кальяри” унинг клублар миқёсидаги мураббийлик фаолиятида сўнгги жамоаси бўлишини айтган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Ким Чен Ин иқтисодни жонлантириш учун Россия билан алоқаларни мустаҳкамлашга интилмоқда
Ҳамид Содиқ: “Агар қонунлар ишламаса, қонунларнинг вазифасини коррупция бажаришни бошлайди”
Сувнинг фанга номаълум бўлган янги хусусияти топилди
Польша генерали: “Россия ва Беларусь билан чегарада миналанган майдонларни ўрнатиш керак”
Абдуқодир Ҳусанов Осиё Кубоги финалида Ўзбекистон термасига ёрдам бера олмайди
Тошкент марказидаги кўчалардан бирида асфалт ўпирилиб тушди
Русланбек Жиянов: "Япония терма жамоаси билан икки йил аввал ҳам тўқнаш келганмиз"