“Зенит” футболчиси Файзуллаев ҳақида нималар деди?

Аббосбек Файзуллаев ўтган ёзда “Пахтакор”дан ЦСКА кўчиб ўтганидан кейин энг кўп муҳокама қилинадиган футболчилардан бирига айланди.

Айниқса, 20 ёшли ҳужумкор футболчимиз ўз ўйини билан “армиячилар” сафида асосий фигуралардан бири даражасига кўтарилганидан кейин Файзуллаев ҳақидаги фикр-мулоҳазалар янада кўпайди.

Куни кеча легионеримиз Россия кубоги финалида ЦСКА ва “Зенит” ўртасидаги дастлабки учрашувда иштирок этди. Ўзбекистон U-23 терма жамоаси таркибида Осиё кубогида қатнашиб, вакилларимизнинг Париж Олимпиадасига йўлланма олишига катта ҳисса қўшган Аббосбек Файзуллаев питерликлар билан бўладиган ўйиндан бир кун аввал клуб ихтиёрига етиб келди.

Шу боис, бош мураббийи Владимир Федотов уни иккинчи бўлимда захирадан ўйинга туширди.

Журналистлар 1:1 ҳисоби билан якунланган баҳсдан кейин “Зенит” ярим ҳимоячиси Ильзат Ахметовнинг рақиб футболчиси Аббосбек Файзуллаев билан бўлган суҳбатига эътибор қаратиб, питерликлар ярим ҳимоячисидан бу ҳақда сўради:

- Ўйиндан кейин Аббосбек Файзуллаев билан нима ҳақида суҳбатлашдинглар?
- Мен ундан ишлари қандай кетаётгани ҳақида сўрадим.

- Сиз Файзуллаевни топ-футболчи, деб биласизми?
- Ҳа, албатта.

Эслатиб ўтамиз, Ильзат Ахметов аслида “Рубин” тарбияланувчиси ҳисобланади. У ҳам ҳудди Файзуллаев сингари ҳужум чизиғининг бир нечта нуқтасида ўйнай олади.

Фаолияти давомида тўрт йил ЦСКАда, кейин бир ярим мавсум “Краснодар”да ҳам тўп тепган.

Ильзат 2024 йилнинг бошида “Зенит” сафига кўчиб ўтди. Россия терма жамоасида тўққизта ўйин ўтказган. «Замин» янгиликларини «Вконтакти»да кузатиб боринг