Парижда бўлиб ўтадиган ёзги Олимпиаданинг футбол мусобақаси 26 июлдан 11 августга қадар давом этади.
Франциянинг энг кучли футболчиси Килиан Мбаппе тўртйилликнинг энг нуфузли спорт анжуманида иштирок этадиган Франция олимпия терма жамоаси таркибига киритилмади.
Қоидага кўра, Олимпия ўйинларида 23 ёшгача бўлган футболчилар иштирок этади. Лекин иштирокчи мамлакатлар терма жамоалари таркибиги уч нафар ёши катта ўйинчиларни қўшиб олиши мумкин.
Францияликлар 25 ёшли Килиан Мбаппенинг Париж Олимпиадасида ғолиб чиқишга ёрдам беришини кутаётган эди. Терма жамоа бош мураббийи Тьерри Анри моҳир тўпурарни таркибга киритмаган.
Париж Олимпиадаси футбол мусобақасида Ўзбекистон олимпия терма жамоаси ҳам илк бор иштирок этади. Тимур Копадзе шогирдлари Осиё кубогининг вице-чемпиони сифатида қитъа шарафини ҳимоя қилади.
Ўзбекистонлик футболчилар Олимпиаданинг “С” гуруҳидан жой олган. Бу квартетда ҳамюртларимиз Испания, Миср ва Доминикан Республикаси терма жамоалари билан куч синашади.
Франция олимпия терма жамоаси мусобақа мезбони сифатида “А” гуруҳидан ўрин олган. Тьерри Анри шогирдлари гуруҳдан чиқиш учун АҚШ, Гвинея ва Янги Зеландия футболчилари қаршилигини енгиши талаб этилади.
Демак, “В” гуруҳидан чиқиш учун Аргентина, Марокаш, Ироқ ва Украина вакиллари ўзаро рақобатга киришади.
Осиё чемпиони – Япония Париж Олимпиадаси “D” гуруҳида Парагвай, Мали ва Исроил футболчиларини имтиҳондан ўтказади.
Олимпия ўйинлари йўлланмасини қўлга киритган жами 16 та терма жамоадан ўз гуруҳида дастлабки икки ўринни эгаллаганлари чорак финалда иштирок этади.
Олимпиаданинг янги ғолиб ва совриндорлари 8 август куни аниқланади. 2020 йилги Токио Олимпиадасида ғолиб чиққан Бразилия терма жамоаси бу галги ўйинларга йўлланма ололмаган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
