Футзал бўйича ЖЧ. Коста-Рика ва Нидерландия муроса кўчасини танлашди

Футбол бўйича Жаҳон чемпионати 2-тур учрашувларига старт берилди. А гуруҳидан ўрин олган Коста Рика ва Нидерландия терма жамоалари ўртасидаги учрашув бугун, 17 сентябрь куни бўлиб ўтди.

Учрашувнинг биринчи бўлими 6-дақиқасида Тевфик Сеяр ўз дарвозасига гол уриб Коста Рика жамоасини олдинга олиб чиқди. 19-дақиқада Саид Бузамбу ҳисобни тенглаштирди. 21-дақиқада Исмоил Уддау Нидерландияни олдинга олиб чиқди. 32-дақиқада Пабло Родригес Коста Риканинг иккинчи голига муаллифлик қилди.

Учрашувнинг сўнгги дақиқаларида Нидерландия жамоаси ўйновчи дарвозабонни тушириб, ғалаба қозонишга ҳаракат қилиб кўрди, аммо бу ҳаракат самара бермади.

ЖЧ-2024. "А" гуруҳи
Коста-Рика - Нидерландия 2:2
Гол: Тевфик Сеяр авт (7), Леон Ёсел (32) - Саид Бузамбу (19), Оуаддух Исмоил (21)

Коста-Рика: 1.Росалес Сезар, 4.Диего Чаварриа, 5.Жеан Салас, 10.Кубилло Эдвин, 11.Даниель Гомес.
Захира: 12.Данни Васкес, 2.Виндас Жильберт, 3.Жереми Гомес, 6.Виктор Фонсека, 7.Минор Сабалсета, 8.Леон Ёсел, 9.Пабло Родригез, 13.Луис Наваретте, 14.Эммануэль Гамбоа.

Нидерландия: 1.Куижик Мануэль, 2.Жорди Кретиер, 6.Карим Моссауи, 8.Абдессамад Аттахири, 9.Саид Бузамбу.
Захира: 12.Мика Спигт, 3.Стьюи Кее, 4.Тевфик Сеяр, 5.Аюб Бухорий, 7.Мартинус Жордани, 10.Оуаддух Исмоил, 11.Лахчен Боёузан, 13.Ишак Белхаж, 14.Чин Муҳаммад.

^{Фото: FIFA}
Шу тариқа Нидерландия жамоаси иккинчи дуранг қайд этган ҳолда икки очкога эга бўлиб турибди. Коста Рика эса чемпионатдаги дастлабки очкосини қўлга киритди.

Иккинчи турдан ўрин олган Ўзбекистон — Парагвай учрашуви бугун, 17 сентябрь куни 20:00 да бўлиб ўтади. “Замин” янгиликларини “Facebook”да кузатиб боринг