Фото: “Андижон”
Футбол бўйича Ўзбекистон Кубоги финалида “Навбаҳор” ва “Андижон” жамоалари 5 октябрь, шанба куни баҳс олиб борди. Учрашувнинг биринчи бўлимида бир қанча хавфли вазиятлар бўлишига қарамасдан ҳисоб очилмади.
Иккинчи бўлим бошида эса наманганликлар дарвозани ишғол этишга муваффақ бўлди. 53-дақиқада Фаррух Сайфиевнинг қанотдан жарима майдончаси ичига ошириб берган тўпи ўнг қанотдаги Аброрбек Исмоиловга келиб тушди ва у кучли зарб билан дарвозани аниқ нишонга олди.
Шундан сўнг жамоалар яна бир қанча вазиятларни яратди. 82-дақиқага келиб эса андижонликлар ҳисобни тенглаштирди. Гол муаллифи эса Муҳаммадкарим Тоиров.
Асосий бўлимларда ғолиб номи аниқланмагач, жамоалар қўшимча бўлимларга мурожаат қилди. Иккинчи қўшиб берилган таймда “Андижон” футболчиси Маматказин дарвозани ишғол қилди ва жамоасини олдинга олиб чиқди.
Орадан 2 дақиқа ўтиб, “Навбаҳор” футболчиси Табатадзе ҳисобни тенглаштирди.
120+3-дақиқада эса андижонликлар Владимир Бубанянинг голи эвазига ғалабани илиб кетди.
Шу тариқа “Андижон” Ўзбекистон Кубоги ғолибига айланди. Қайд этиб ўтиш керак, Андижон клуби ўз тарихида илк бор кубокни қўлга киритди.
Ўзбекистон Кубоги
Финал
5 октябрь, шанба
“Навбаҳор” — “Андижон” 2:3
Гол: 1:0 — 53 Исмоилов, 1:1 — 82 Тоиров, 1:2 — 116 Маматказин, 2:2 — 118 Табатадзе, 2:3 — 120+3 Бубаня.
“Навбаҳор”: 35. Санжар Қувватов, 8. Сияваш Ҳақназари, 9. Одил Ҳамробеков, 10. Жамшид Искандеров, 12. Саидазамат Мирсаидов, 13. Филип Иванович, 14. Жамшид Болтабоев, 21. Гиорги Никобадзе, 23. Йован Жокич, 34. Фаррух Сайфиев, 77. Аброр Исмоилов.
“Андижон”: 1. Элдор Адҳамов, 5. Абдувоҳид Ғуломов, 8. Фарҳодбек Бекмуродов, 10. Илҳом Абдуғаниев, 13. Сардорбек Азимов, 14. Абдураҳмон Комилов, 15. Владимир Бубаня, 17. Фарҳоджон Соҳибжонов, 21. Ислом Маматказин, 26. Муҳаммадкарим Тоиров, 77. Рустам Турдимуродов.
Огоҳлантиришлар: Абдураҳмон Комилов (37), Жамшид Болтабоев (68), Одилжон Ҳамробеков (98), Леван Арвеладзе (104). “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Украина ҳарбийлари Россия учун "кутилмаган хабар" билан портламайдиган миналар ўрнатди
Микротўлқинли печда овқат иситиш соғлиқ учун зарарлими?
ҲАМАС Тель-Авивдаги теракт учун масъулиятни ўз зиммасига олди
Байден Исроилнинг Эрон ядровий иншоотларига зарба беришини қўллаб-қувватламаслигини билдирди
Селена Гомес ўзининг миллиардерлик мақомига муносабат билдирди
Аргентина Малвин (Фолкленд) оролларини қайтариб олмоқчи
Ҳусийлар Тель Авивнинг чекка ҳудудларига ҳужум қилди
Эрон олий раҳбари Яқин Шарқни Исроилга қарши исён кўтаришга чақирди
