Фото: Getty Images
17 декабр оқшомида Қатарда ФИФА томонидан ўтказилган тантанали маросимда The Best совринининг ҳар бир номинацияси бўйича ғолиблар номи эълон қилинди. Кутилганидек, Винисиус ФИФА талқинига кўра, ўтган мавсумнинг энг яхши ўйинчиси деб топилди.
Йилнинг энг яхши футболчиси — Винисиус Жуниор («Реал», Бразилия)
Ушбу номинацияга Жуд Беллингҳем, Дани Карвахал, Килиан Мбаппе, Федерико Вальверде («Реал»), Эрлинг Ҳоланд, Родри («Манчестер Сити»), Тони Кроос, Лионел Месси («Интер Майами»), Флориан Виртц («Байер») ва Ламин Ямал («Барселона») ҳам даъвогарлик қилган эди.
ФИФА президенти Жанни Инфантино конвертни очиб, бразилиялик футболчини даврга чақирди ва совринни унга топширди.
Йилнинг энг яхши мураббийи — Карло Анчелотти («Реал»)
Йилнинг энг яхши мураббийи номи ҳам «Реал» билан боғлиқ бўлди. Жамоанинг италиялик устози Карло Анчелоттига Арсен Венгер совринни топширди.
Шунингдек, Пеп Гвардиола («Манчестер Сити»), Лионел Скалони (Аргентина миллий жамоаси), Луис де ла Фуэнте (Испания миллий жамоаси) ва Хаби Алонсо («Байер») ҳам номзодлар қаторидан жой олганди.
Йилнинг энг яхши дарвозабони — Эмилиано Мартинес («Астон Вилла», Аргентина)
Аргентиналик ушбу дарвозабон яқинда Пушкаш совринини кетма-кет иккинчи марта қўлга киритган бўлса-да, ФИФА томонидан ҳам ўтган мавсумнинг энг яхши дарвозабони деб топилди.
Номзодлар қаторида Андрей Лунин, Давид Райя, Эдерсон, Жанлуижи Доннарумма, Майк Меньян ва Унаи Симон сингари дарвозабонлар бор эди.
Йилнинг энг чиройли голи (Пушкаш мукофоти) — Алехандро Гарначо
«Манчестер Юнайтед»нинг аргентиналик яримҳимоячиси томонидан 2023 йилнинг 26 ноябр куни «Эвертон» дарвозасига акробатик усулда йўллаган супергол кутилганидек, ФИФА томонидан йил голи деб топилди.
ФИФА талқинига кўра, ўтган мавсум рамзий жамоасидан қуйидаги футболчилар ўрин олди:
Дарвозабонлар: Эмилиано Мартинес
Ҳимоячилар: Дани Карвахал, Антонио Рюдигер, Рубен Диаш, Вильям Салиба
Яримҳимоячилар: Родри, Жуд Беллингҳем, Тони Кроос, Ламин Ямал
Ҳужумчилар: Эрлинг Ҳоланд, Винисиус.
Маълумот учун, ғолибларни аниқлашда уларнинг 2023 йилнинг 21 августидан 2024 йилнинг 10 августигача бўлган даврдаги ўйинлар натижалари инобатга олинган. Лауреатлар миллий жамоа сардорлари, мураббийлар, мухлислар ва ОАВ вакилларининг овоз бериш орқали аниқланган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия Исроилни Голан тепаликлари борасида огоҳлантирди
Туркия Сурия чегарасида қўшин тўпламоқда
Наманганда халқаро кўргазма: қиймати хонадонга тенг отлар, 200 килоли қўйлар ва осмонга учирилган кабутарлар (фото, видео)
Сурия исёнчилари етакчиси мурожаат билан чиқди
Трамп Зеленскийни уруш тугашига тайёрланишга чақирди
Дональд Трамп: “Президент Эрдўғон жуда ақлли, Асад эса шафқатсиз қассоб”
Туркия Суриянинг янги ҳукуматини ҳарбий соҳада қўллаб-қувватламоқчи
Муроджон Аҳмадалиев рақибини "янчиб ташлади"...
