Қишки трансферлар ойнаси очилиши билан Абдуқодир Ҳусанов атрофидаги бозор қайнайдиган бўляпти. Европа манбаларининг ёзишича, Англия Премьер-лигасининг энг бадавлат клубларидан “Ньюкасл” январь ойида ўзбек футболчисини трансфер қилишга бел боғлаган.
- “Ньюкасл Юнайтед” Англия Премьер-лигасининг бир неча клублари “Ланс” марказий ҳимоячиси Абдуқодир Ҳусановга қизиқаётган бўлса-да, бу трансферни амалга оширмоқчи. Чунки клуб спорт директори Пол Митчелл бу ёш юлдуз ўйинидан ҳайратга тушган.
“Қарғалар” ёзда “Борнмут”дан кетган ҳимоячи Лойд Келлини ўз сафига қўшиб олиш учун унга ҳафтасига 150 минг фунт маош тўлашга кўнган бўлса-да, бош мураббий Эдди Хоу марказий ҳимояга яна бир футболчи олиб келишни талаб қилмоқда.
Ёзда Эллиот Андерсон ва Янкуба Минтех сотувидан 65 миллион фунт ишлаб олган “Ньюкасл” спорт директори Митчелл январь ойида харажатларга тайёр, - деб ёзмоқда givemesport.com эксперти Дэнни Раст.
- Абдуқодир Ҳусановга даъвогарлик қилаётган клублар, хусусан “Тоттенхэм” ва “Ньюкасл” мутасаддилари Ўзбекистон миллий терма жамоаси ўйинчиси бўйича тайёрланган ҳисоботлардан кейин бу ўйинчининг мухлисига айланган.
Даъвогарлар Ҳусановнинг “Ланс” билан шартномаси якунланишига 2,5 йил қолган ва бу муддат давомида легионер ҳафтасига 2,5 минг фунтдан кам маош олишига тўғри келади.
“Ланс” арзонга олинган ўйинчи трансферидан катта даромад кўриши мумкин. Манбаларимиз “Ланс” 20-25 миллион фунт эвазига трансферга кўниши мумкинлигини таъкидламоқда. Январда трансфер ойнаси очилиши билан Ҳусановни ўйинини кузатиб келаётган Европанинг қатор клублари, жумладан “Ньюкасл” ва “Тоттенхэм” ўзбек ҳимоячисини олиш ҳаракатларини бошлаши кутилмоқда.
Ҳусанов трансфери масаласида Англия клублари “Пари Сен-Жермен” томонидан жиддий рақобатга дуч келади. Премьер-лига жамоаларини бу футболчини олиш вариантларини ўрганаётган бир пайтда парижликлар “Ланс” билан музокара столига ўтиришга тайёрланяпти, - деб ёзди яна бир англиялик эксперт Дин Жонс.
Таъкидлаш жоизки, “Ньюкасл” бош мураббийи Эдди Хоуга Абдуқодир Ҳусановнинг профессионал футболчи сифатида бир қатор жиҳатлари маъқул келган. Селекционер мутахассислар ўзбек легионерининг ўйинларини таҳлил қилиб, унинг универсаллиги, рақобатга чидамли экани, яккакурашларда енгилмаслиги, тезкорлиги, рақибдан ҳайиқмай ўйнаши, майдонни яхши кўра олиш қобилиятини алоҳида қайд этган.
- “Ньюкасл” Ҳусанов учун курашда ПСЖ ва “Тоттенхэм” қаршилигига учрайди. Чунки бу клублар Абдуқодирни январь ойи учун асосий трансфер нишони сифатида белгилаган.
Ҳусановнинг Лига 1 учрашувларидаги ўйини кўпчиликда яхши таассурот қолдирди. Ўзбекистон миллий терма жамоаси аъзоси ўйинни ўқий олиш қобилияти билан ҳимояланишнинг юқори даражасини кўрсатяпти.
Абдуқодирда Европанинг ҳар қандай кучли клубида ўйнаб кета олиш салоҳиятибор, чунки у тезкор, бақувват ва тўп билан жуда зўр ҳаракат қилади, - деб журналист Корали Салленинг фикрларини келтирмоқда footballfancast.com сайти.
Эслатиб ўтамиз, Абдуқодир Ҳусановнинг трансфер нархи transfermarkt.world порталида 12 миллион еврога етгани қайд этилган. Бу кўрсаткич бўйича 20 ёшли легионеримиз Марказий Осиёнинг энг қимматбаҳо ўйинчиси ҳисобланади. Бироқ “Ланс” ҳимоячини қўйиб юбориш учун бу суммадан анчагина юқори нарх талаб қилмоқда. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Германияда Рождество ярмаркасида теракт содир этилди
Россия Курск вилояти ва Украина шарқида ҳужумларни кучайтирмоқда
Маск Украинага ёрдам беришни АҚШнинг энг ёмон қарорларидан бири деб атади
Илон Маск: “Европа давлатлари йўқ бўлиб кетиш хавфи остида”
Ал-Жулоний: “Сурия Афғонистон эмас ва бўлмайди ҳам”
Туркий давлатлар фейк ва дезинформацияга қарши биргаликда курашади
Путин Суриядаги вазиятдан фойда кўрган давлат номини айтди
Жакартада "Имом Бухорий: Ўзбекистон ислом санъати" кўргазмаси очилди
