Гвардиола мағлубият айбдори кимлигини айтган Холандга қарши чиқди

Англиянинг амалдаги чемпиони “Манчестер Сити” чемпионатнинг 17-турида “Астон Вилла” меҳмони бўлиб, 1:2 ҳисобида мағлубиятга учради. Бу манчестерликларнинг сўнгги 12 та учрашувда 9-мағлубияти бўлди.

Учрашувдан кейин Эрлинг Холанд мағлубият учун айбни ўз бўйнига олди ва буни етарли даражада яхши ўйнай олмаётгани билан изоҳлади. Хосеп Гвардиола унинг фикрига қўшилмади.

- "Холанднинг фикрига қўшилмайман. Агар у таркибда бўлмаганида бундан ҳам ёмон ўйнаган бўлардик. Лекин менга футболчиларнинг масъулиятни ўз зиммасига олиб, фикр юритаётган ёқяпти. Бундай тушунчалар бизни ғалабага етаклайди.

Холанднинг қарашларига қўшилмаслигимнинг яна бир жиҳати шундаки, биз у гол уриши учун унга кўпроқ тўп етказиб беришимиз керак.

Энди бор эътиборимизни қайта тикланиб олиб, кейинги учрашувларда ғалаба қозонишга қаратамиз", - деди Хосеп Гвардиола.

Янгиликлар