Абдуқодир Ҳусанов учун “Манчестер Сити”нинг “Ланс”га жами 50 миллион евро тўлагани бу трансферни Франция клуби тарихидаги энг даромадли келишувга айлантирди.
Европа футболида ёрқин талант эгалари жуда кўп. Бироқ қитъанинг гранд клублари ўйинчи танлашда кучли критерияларни ўртага қўяди, ҳар бир бадавлат жамоа ҳам ёш футболчи учун катта миқдорда пул тикавермайди.
Шу маънода, Абдуқодир Ҳусанов зиммасида катта масъулият турибди. Англиянинг амалдаги чемпиони бўлган “Манчестер Сити”дек бақувват клуб ўзбек футболчисига қачон эътибор қаратди?
Бу маълумотларни Ҳусановнинг агенти Гайрат Хасбиуллин Россиянинг championat.com сайтига берган интервьюсида келтириб ўтди.
– Ҳусановга “Манчестер Сити”нинг қизиқиши қачон пайдо бўлди?
– 2024 йилнинг ноябрь ойи охирида. Бизга скаутларнинг кузатаётгани ҳақида маълумотлар келиб турганди.
“Ланс” вакиллари “Манчестер Сити” жиддий қизиқаётганини маълум қилди. Декабрь ойининг бошида бу масалада жиддий мулоқотлар бошланди.
Ўша пайт Англия Премьер-лигасининг қарийб 12 та клубидан қизиқиш бўлганди. Уларнинг орасида “Сити” ҳам бўлиши тушунарли эди.
Лекин барча клублар ҳам молиявий фэйр-плей туфайли томонларни қониқтирадиган таклиф бериш борасида етарли имкониятга эга бўлмаган.
“Манчестер Сити”да бунақа муаммо йўқ эди. Шу боис, улар “Ланс”ни трансферга жуда тез кўндиришди. Биз билан келишиш қолганди холос.
– Музокаралар қанчалик оғир бўлди?
– Ростини айтаман, жамоамиз ҳар куни ҳам бунақа катта трансферларни амалга оширмайди. Умуман олганда, ҳаммаси тез бўлди, чунки “Ланс”нинг ҳам, “Манчестер Сити”нинг ҳам аниқ мақсади бор эди.
Бу борада Беларуснинг “Энергетик-БУ” жамоасидан Франциянинг “Ланс” клубига тушиш қийинроқ. Бир кунда уч-тўртта клуб ҳужумга ўтган ҳолатда трансфер ҳақида келишиб олиш ортиқча қийинчилик туғдирмайди.
Эслатиб ўтамиз, “Манчестер Сити” Абдуқодир Ҳусанов билан 2029 йилнинг ярмигача давом этадиган шартнома имзолади ва томонлар ўзаро келишган ҳолда ҳамкорликни яна бир йилга узайтириши мумкин. Легионеримиз янги жамоасида 45-рақамни танлаган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
