Реал Мадрид Ла Лига доирасида ўз майдонида Жиронага қарши ўйнади ва 2:0 ҳисобида ғалаба қозонди, муҳим уч очкони қўлга киритди. Учрашувда Лука Модрич ва Винисиус Жуниор гол муаллифи бўлди.
Мадридликлар ҳисобни 41-дақиқада Лука Модричнинг чиройли зарбаси билан очишди. Иккинчи бўлимнинг сўнгги қисмида эса 83-дақиқада Винисиус Жуниор Килиан Мбаппенинг узатмасидан кейин гол уриб, якуний ҳисобни ўрнатди.
Реал Мадрид ўйинда тўп назорати ва пас аниқлиги бўйича устунлик қилди. Жирона жамоаси ўз имкониятларини ишга солишга ҳаракат қилган бўлса ҳам, мадридликларнинг кучли ҳимояси уларга имконият қолдирмади.
Бу натижа Реал Мадридга турнир жадвалида етакчиликни мустаҳкамлашга ёрдам беради. Ўйин Сантьяго Бернабеу стадионида бўлиб ўтди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
