Англия Премьер-лигаси доирасида бўлиб ўтган марказий учрашувда "Ливерпуль" "Манчестер Сити"ни 2:0 ҳисобида мағлуб этди. Ғалаба меҳмонларга Муҳаммад Салоҳ ва Доминик Собослайнинг голлари эвазига келди.
14-дақиқада Собослай чиройли узатма билан Салоҳни дарвоза олдида топди ва Миср юлдузи ҳисобни очди. 37-дақиқада эса Собослайнинг ўзи Салоҳнинг узатмасидан кейин "Сити" дарвозасини ишғол қилди, шу тариқа якуний ҳисоб ўрнатилди.
"Манчестер Сити" ўйинда кўпроқ тўп назорат қилди (67%), аммо ҳужумда аниқ ҳаракат қилишда қийналди. "Сити" рақиб дарвозасига 16 та зарба йўллади, лекин фақат 5 таси дарвозага тўғри йўлланди. "Ливерпуль" эса самарадорлик борасида анча яхши ўйнади ва 4 та аниқ зарбадан 2 та гол киритди.
Ушбу натижадан сўнг "Ливерпуль" турнир жадвалида 64 очко билан биринчи ўринда қолмоқда, "Манчестер Сити" эса 44 очко билан тўртинчи поғонада қолди.
Учрашув Этихад стадионида бўлиб ўтди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
