Хосеп Гвардиола кечаги учрашувдан сўнг нималар деди?

«Манчестер Сити» бош мураббийи Пеп Гвардиола кечаги учрашувдан сўнг ўз фикрлари билан ўртоқлашди.

«Биз жуда яхши ўйин намойиш этдик. Ҳужумда самарадорликни оширишимиз мумкин эди, лекин фантастик жамоага қарши баҳс олиб бордик. Учрашув бошида имкониятлар тахминан тенг эди – 50/50, аммо улардан фойдалана олмадик. Иккинчи бўлимда рақиб жуда чуқур ҳимояланди. Биз одатда қўлламайдиган тактикани синаб кўрдик, уларнинг майдонида тўпни олиб қўйиш муҳим эди, аммо бу сафар гол уриш насиб этмади.

Агар ютқазадиган бўлсак, айнан шундай ўйин кўрсатиб ютқазганимиз маъқул. Ишончим комил, бу клуб ўз таркибидаги футболчилар билан порлоқ келажакка эга. Кевин Де Брюйне ва эҳтимол, Натан Акедан ташқари барча футболчиларимиз ёш ва келажакда «Манчестер Сити» янада кучли жамоага айланади», — деди Гвардиола.

Манба: sky sports “Замин” янгиликларини “Telegram”да кузатиб боринг