
"Англиянинг "Манчестер Юнайтед" клуби "Барселона" ярим ҳимоячиси Френки де Йонг учун 50 миллион евро таклиф қилишга тайёр. Бу ҳақда 90min нашри хабар бермоқда.
Де Йонгнинг Премьер-лига клублари, айниқса, "МЮ" билан боғлангани биринчи марта эмас. 27 ёшли нидерландиялик футболчининг "Барселона" билан амалдаги шартномаси 2026 йилгача давом этади, аммо жорий ёзда унинг трансфери учун қулай имконият пайдо бўлиши мумкин.
2024/2025 йилги мавсумда де Йонг "Барселона" таркибида 29 та расмий ўйинда майдонга тушиб, 2 та гол ва 1 та голли узатма амалга оширган.
Манба: euro-football.ru

Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар