“Манчестер Сити” афсонаси Серхио Агуэро португалиялик ҳужумчи Криштиану Роналдуни тарихдаги энг буюк футболчилардан бири сифатида тан олган бўлса-да, уни ўзининг энг кучли тўртлик футболчи рўйхатига киритмаган, деб The Telegraph хабар берди.
Агуэронинг фикрига кўра, дунёнинг энг яхши футболчиси — Лионель Месси. У Месси ва Диэго Марадонани солиштиришни маъқул кўрмаслигини айтган ва ҳар иккаласини ҳам ўз даврининг энг зўрлари сифатида тан олиш кераклигини таъкидлаган.
“Мен ҳеч қачон бундай таққослашларни ёқтирмаганман. Биз, аргентиналиклар, Диэгони ҳам, Леони ҳам тарихдаги энг яхши футболчилар сифатида қабул қилишимиз керак”, — деган Агуэро.
Шунингдек, у бразилиялик Роналдо Назариони ўзининг фаолиятига катта таъсир кўрсатган футболчи сифатида тилга олган:
“Мени энг кўп илҳомлантирган футболчи – бразилиялик Роналдо”.
Агуэро Роналдиньонинг “Жога Бонито” услубини ҳам юксак баҳолаган. Унингча, Роналдиньо техник маҳорат, дрибблинг ва ижодкорлик жиҳатидан энг иқтидорли футболчилардан бири бўлган.
Шу тариқа, Агуэро ўзининг тарихдаги энг зўр футболчилар тўртлигини қуйидагича санаган:
- Лионель Месси
- Диэго Марадона
- Роналдо Назарио
- Роналдиньо
Криштиану Роналду эса бу рўйхатга кирмаган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
