31 март куни (Тошкент вақти билан 1 апрел) Бразилияда бокс бўйича жаҳон кубоги старт олди. Унда Тўлқин Қиличев бошчилигидаги Ўзбекистон жамоаси 10 та вазн тоифасида иштирок этмоқда.
Мусобақанинг дастлабки кунида Ўзбекистоннинг уч нафар вакили – Миразизбек Мирзахалилов (-55 кг), Иқболжон Холдоров (-70 кг) ва Жавоҳир Умматалиев (-80 кг) саралаш босқичида рингга кўтарилишди ҳамда мос равишда Швеция, Полша ва Италия вакилларини мағлуб этиб, чоракфиналга чиқишди.
Иккинчи кун дастурида Мадияр Данияров (-60 кг), Асилбек Жалилов (-50 кг) ва Акмалжон Исроилов (-85 кг) ҳам саралаш жангларида мос равишда Италия Қозоғистон ва Швейцария вакилларидан устун келишди.
2 апрел куни Миразизбек Мирзахалилов турнирдаги иккинчи жангини полшалик Николас Павликка қарши ўтказиб, яққол устунлик билан ғалаба қозонди ва яримфиналга йўл олди.
Иқболжон Холдоров турнирдаги иккинчи баҳсида англиялик Одел Камарага қарши баҳс олиб бориб, ҳакамларнинг қарорларига кўра мағлуб бўлди.
Иқболжон Холдоров
-65 кг вазн тоифаси вакили, Париж-2024 Олимпиадаси чемпиони Асадхўжа Мўйдинхўжаев турнирдаги иштирокини чоракфиналдан бошлади, аммо илк жангдаёқ мезбонлар вакили Юри Рейсга ютқазди.
Асадхўжа Мўйдинхўжаев
Жавоҳир Умматалиев эса навбатдаги рақиби, америкалик Робби Гонсалесдан ҳам устун келди.
3 апрел куни Ўзбекистоннинг учинчи вакили ҳам турнирдаги иштирокини эрта якунлади – Мадияр Данияров (-60 кг) яримфиналда бразилиялик Луиз Оливейрага ютқазди ва бронза билан кифояланишга мажбур бўлди.
Мадияр Данияров
Ўз навбатида, Тўрабек Ҳабибуллаев (-90 кг) ҳиндистонлик Вишални, Асилбек Жалилов (-50 кг) ҳиндистонлик Жадумани Манденгбамни, Фазлиддин Эркинбоев (-75 кг) полшалик Михал Ярлинскини, Жаҳонгир Зокиров (+90 кг) қозоғистонлик Даниял Сапарбайни мағлубиятга учратди ва финалга йўл олишди.
4 апрелдан 5 апрелга ўтар кечаси 3 нафар боксчимиз финал йўлланмаси учун рингга кўтарилади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
