Агуэро: «Де Брюйне “Сити”ни буюк жамоага айлантирди!»

Футбол дунёси яна бир тарихий ҳаёқ билан хайрлашиш арафасида. "Манчестер Сити" сафида юракдан тўп сурган, жамоанинг энг муҳим фигураларидан бирига айланган Кевин де Брюйне 2024/25 йилги мавсумдан сўнг клубни тарк этишини маълум қилди. Унинг бу қарори футбол жамоатчилиги ва айниқса “Сити” мухлислари орасида жиддий мулоҳазаларга сабаб бўлди.

Агуэродан самимий видолашув

Кевиннинг бу баёнотига "шаҳарликлар" афсонаси Серхио Агуэро ҳам бефарқ қолмади. У ижтимоий тармоқда жўшқин ва самимий сўзлар билан собиқ жамоадошига миннатдорлик изҳор қилди:

"Сен “Манчестер Сити”ни буюк қилдинг ва энг яхшисига лойиқсан. Шунча йил бирга ўйнаб, сенинг ўсишингга гувоҳ бўлиш мен учун шараф эди. Барчаси учун раҳмат, афсонавий футболчи!" – деб ёзди Агуэро.

Бу сўзлар нафақат футболчига, балки бутун Сити мухлисларига самимий таъсир кўрсатди. Чунки Агуэро ва Де Брюйне "Сити"нинг энг ёрқин даврларини елкама-елка ёритган, кўплаб титуллар учун курашган энг асосий фигуралардан бўлган.

Де Брюйне: Бир даврнинг рамзи

Белгиялик маэстро 2015 йил августидан бери “Манчестер Сити” шарафини ҳимоя қилиб келмоқда. Ушбу вақт мобайнида клуб тарихидаги энг зўр ярим ҳимоячилардан бирига айланди. Де Брюйне жамоанинг жанговор руҳини белгилаб берган, унинг чап ва ўнг оёқдан берган узатмалари кўплаб голларга асос бўлган.

Фақатгина статистика эмас – Де Брюйне “Сити”нинг қалби ва ақлига айланган футболчи эди. Унинг ўйин услуби жамоанинг умумий стратегик юзига айланди, Пеп Гвардиола билан бирга жамоа тарихидаги энг муваффақиятли даврларни яратди.

Олдиндаги учрашув: Дербида сўнгги саҳнами?

“Шаҳарликлар” 6 апрель куни Англия Премьер-лигасининг навбатдаги турида "Манчестер Юнайтед"га қарши дербини ўтказади. Бу ўйин де Брюйне учун нафақат навбатдаги муҳим беллашув, балки мухлислар учун унга бўлган муҳаббатни яна бир бор намоён қилиш имконияти ҳамдир.

Эҳтирос, меҳнат ва афсона

Кевин де Брюйне “Манчестер Сити” учун оддий футболчи эмас. У клубни янги босқичга олиб чиққан, уни Европанинг етакчи жамоалари қаторига қўшган инсон. Серхио Агуэронинг сўзлари барча “Сити” мухлисларининг қалбидаги туйғуларни ифода этади:
Раҳмат, Кевин! Сен абадий “шаҳарлик”сан. “Замин” янгиликларини “Telegram”да кузатиб боринг