Эдерсон “Эвертон”га қарши ўйинда иштирок этмайди

Бразилиялик дарвозабон Эдерсон Мораес “Манчестер Сити” сафида 19 апрел куни “Эвертон”га қарши бўлиб ўтадиган Англия Премьер-Лигаси 33-тур учрашувида иштирок этмайди, деб Euro-Football.ru сайти хабар берди.

Бу ҳақда жамоа бош мураббийи Хосеп Гвардиола журналистларга маълум қилди:
— Мен унинг қанча вақтда тикланишини билмайман, — деди мутахассис.

31 ёшли Эдерсон жорий мавсумда барча мусобақаларда 33та ўйинда иштирок этган, 47 та гол ўтказиб юборган ва 9 марта дарвозасини “қуруқ” сақлашга эришган.

“Эвертон” — “Манчестер Сити” учрашуви шанба куни, 19 апрел соат 17:00 да (Москва вақти) старт олади. «Замин»ни Telegram’да ўқинг!