“Манчестер Сити” Камбьясони 70 млн еврога сотиб олиши мумкин

Англиянинг “Манчестер Сити” жамоаси Италия терма жамоаси ва “Ювентус” ҳимоячиси Андреа Камбьясога жиддий қизиқиш билдирмоқда, деб Tuttosport манбасига таяниб Euro-Football.ru хабар берди.

25 ёшли футболчи учун “Ювентус” клуби 60–70 миллион евро атрофида трансфер нархи белгилаган. “Сити” эса Камбьясога йилига 5 миллион евро маош таклиф қилмоқда.

Камбьясо “Ювентус” сафида 76 расмий учрашувда майдонга тушган, 5 та гол урган ва 9 та голли пас берган.

Ҳозирда “Манчестер Сити” Англия Премьер-Лигаси жадвалида 5-ўринда боряпти ва Чемпионлар лигаси йўлланмаси учун кураш олиб бормоқда. «Замин»ни Telegram’да ўқинг!