Луис Энрике: «ПСЖ Европанинг энг кучли жамоаларидан бирига қарши ўйнайди»

ПСЖ бош мураббийи Луис Энрике Чемпионлар лигаси ярим финалидаги рақиби – «Арсенал» ҳақида ўз фикрларини билдириб ўтди.

Қизиғи, ПСЖ кетма-кет уч босқичда Англия клублари билан тўқнаш келмоқда.

«Бу ҳолатнинг алоҳида устунлик ёки камчилиги йўқ. Албатта, инглиз клубларининг ўзига хос услуби бор. Бунгача «Ливерпуль», «Арсенал» ва «Астон Вилла» каби кучли жамоаларга қарши ўйнадик. Энди эса яна «Арсенал» билан ўйнаймиз.

Биз «Арсенал»нинг шу пайтгача кимларни мусобақадан чиқариб юборганини яхши биламиз. Айни вақтда турнирнинг энг кучли тўрт жамоасидан бири бўлиб турибмиз ва энди Европанинг энг кучли клубларидан бирига қарши майдонга тушамиз.

Бу жамоа Микель Артета бошчилигида тез ва барқарор ўсиб бормоқда. Ҳозирда уларнинг ўйини жуда юқори сифатга эга», – деди Луис Энрике. «Замин»ни Telegram’да ўқинг!