Ҳусановни ўйнатмаётган Гвардиола кечаги фантастик ғалаба ҳақида нималар деди?

Англия Премьер-лигасининг 34-турида мамлакатнинг амалдаги чемпиони — “Манчестер Сити” ўз майдонида муҳим ва жуда қаттиқ “ғалаба”га эришди. Улар чемпионлик учун тўғридан-тўғри рақобатчи ҳисобланган “Астон Вилла”ни 2:1 ҳисобида мағлуб этди.

Диаш “шаҳарликлар”ни қутқарди

Беллашувнинг ҳал қилувчи тўпини Рубен Диаш ўйиннинг охирги лаҳзаларда киритиб, “Сити”га яна 3 очко олиб келди. Бу ғалаба билан манчестерликлар жами 61 очкога эга бўлишди ва чемпионлик учун курашда мавқеини мустаҳкамлашди.

Абдуқодир Ҳусанов яна захирада

Ўзбекистонлик ҳимоячи Абдуқодир Ҳусанов бу гал ҳам асосий таркибга киритилмади, у бутун учрашувни захирада кузатиб борди. Бу ҳолат унинг майдонга қайтиш имконияти атрофида саволлар уйғотмоқда.

Гвардиола: “Астон Вилла – кучли рақиб, шунчаки жамоа эмас”

Ўйиндан сўнг “Сити” бош мураббийи Хосеп Гвардиола матбуот анжуманида ғалаба ҳақида шундай фикр билдирди:

“Жуда бахтиёрман. Биз энди чемпионатнинг энг муҳим босқичига кирдик — олдиндаги тўртта учрашув тақдиримизни ҳал қилади. Агар уларда юта олсак, мавсумдаги асосий масалани ечган бўламиз.”

“Астон Вилла кучли жамоа эканини тушуниш учун катта ақл шарт эмас. Улар шунчаки рақиб эмас, ҳар томонлама босим остида ўйнайдиган жамоа. Биз ҳам барча кучимизни бердик,” — деб таъкидлади мураббий.

Сиз нима деб ўйлайсиз — Гвардиоланинг “Сити”си қолган тўрт ўйинда ҳам ғалаба қозониб, чемпионликни таъминлайдими? Ҳусанов қачон асосий таркибда қайтиши мумкин? «Замин»ни Telegram’да ўқинг!