Суперлига. "Қизилқум" ўз майдонида "Навбаҳор"ни мағлуб этди

Ўзбекистон Суперлигаси 8-тури доирасидаги “Қизилқум” — “Навбаҳор” баҳси якунланди. Голларга бой ўтган беллашувда навоийликлар 3:2 ҳисобида ғалаба қозонди.

Учрашувдаги ҳисоб 5-дақиқада “Навбаҳор” томонидан очилган бўлса, 19-дақиқада мезбонлар ҳисобни тенглаштирди. Биринчи таймнинг якуни арафасида наманганликлар яна ҳисобда олдинга чиқиб олди — 1:2.

Биринчи бўлим мазкур натижа билан якунланди. Иккинчи тайм бошида “Қизилқум” яна ҳисобни тенглаштирди. Таблодаги натижа 2:2 кўринишини олиб турган пайт учрашув қизиғин кечди. Ҳар икки жамоа ҳам навбатма-навбат хавфли ҳужумлар уюштириб, дарвозалар қаршисида бир нечта вазиятларни яратди.

Иккинчи таймга қўшиб берилган дақиқаларда Навоий клуби ғалаба тўпини киритди. Аниқроғи, 102-дақиқада Элгужа Лобжанидзе пенальтидан гол киритиб, жамоасига 3 очко қўлга киритишда ёрдам берди. Мазкур ғалабадан кейин “Қизилқум” ҳисобидаги очколар сони 10 тага етди ва турнир жадвалида 9-поғонага кўтарилиб олди. “Навбаҳор” эса 11 очко билан 7-ўриндан жой олди.

"Қизилқум" — "Навбаҳор" 3:2
Голлар: Аббос Ғуломов (Алишер Одилов) 4, 0:1, Илҳомжон Ваҳобов 19, 1:1, Алишер Одилов (Забиҳилло Ўринбоев) 44, 1:2, Дилшоджон Комилов (Жамбули Жигаури) 52, 2:2, Элгужа Лобжанидзе (пенальти) 90+12, 3:2

"Қизилқум": 1. Санжар Қувватов, 4. Илҳомжон Ваҳобов, 5. Дилшоджон Комилов, 7. Даврон Анваров (79. Диёр Раҳматиллоев,83) 10. Роман Папарига (77. Файзуллобек Жуманқўзиев, 77), 11. Жамбули Жигаури (23. Самандар Шукуруллаев, 90+14), 15. Никола Кумбурович, 18. Фарҳодбек Бекмуратов, 70. Ален Машович, 88. Душан Мийич, 99. Элгужа Лобжанидзе.
Захира: 30. Фарҳод Раҳматов, 6. Муродали Усмонов, 9. Ҳумоюн Абдуалимов, 19. Илҳомжон Кенжаев, 33. Султон Раҳматов, 71. Асадбек Бахшиллоев.

"Навбаҳор": 1. Умиджон Эргашев, 8. Шоҳмалик Комилов (6. Шерзод Ғуломжонов,84), 9. Забиҳилло Ўринбоев, 12. Саидазамат Мирсаидов, 13. Бенжемин Тейди, 17. Русланбек Жиянов, 33. Сергей Карпович, 36. Гильерме Гедеш, 37. Алишер Одилов (11. Пўлатхўжа Холдорхонов,84), 70. Аббосжон Ғуломов, 99. Игорь Габриель.
Захира: 16. Шукрон Юлдашев, 4. Шаҳзод Таиров, 7. Азимжон Аҳмедов, 22. Асадбек Жўрабоев, 23. Жаҳонгир Турсунов, 55. Комилжон Тожиддинов.

Огоҳлантириш: Ален Машович ("Қизилқум") 76 «Замин»ни Telegram’да ўқинг!