Артём Довбик Италияни тарк этиб, Испанияга қайтишни режалаштирмоқда

Италиянинг «Рома» клуби ҳужумчиси Артём Довбик яна бир бор Испания чемпионатига қайтиши мумкин. Бу ҳақда Испаниянинг "Todofichajes" нашри хабар тарқатди.

Манба маълумотларига кўра, 27 ёшли украиналик форвард ўзининг собиқ жамоаси — "Жирона" клубига қайта қўшилиш имкониятини жиддий ўрганмоқда. Футболчи ўзининг бу қарорини "Жирона" клубининг Испания Ла Лигасида қолиши билан боғлаган. Агар каталонияликлар мамлакат чемпионатида ўз ўрнини сақлаб қолса, Довбик ушбу таклифни қабул қилишга тайёрлигини айтган.

Ҳозирги вақтда "Жирона" жамоаси Испания чемпионатида оғир мавсумни бошдан кечирмоқда. Каталонияликлар Ла Лига турнир жадвалида 33 та ўйиндан кейин 35 очко жамғарган ҳолда 16-ўринда боришмоқда ва улар олдида ҳали жиддий синовлар мавжуд.

Эслатиб ўтамиз, Артём Довбик 2024 йилнинг август ойида катта шов-шувлар билан «Рома» клубига келиб қўшилган эди. Унинг Рим жамоаси билан имзолаган шартномаси 2029 йилнинг июнь ойи охиригача амал қилади. Бироқ, у ҳозирда А Серияда ўзининг энг яхши футболини намойиш қилаётганига қарамай, келгусида Испаниядаги фаолиятини тиклаш ниятида эканлиги маълум қилинмоқда.

Айни вақтда Transfermarkt портали Довбикнинг трансфер қийматини тахминан 30 миллион еврога баҳоламоқда. Бу эса "Жирона" учун сезиларли харажат бўлиши мумкин. Шунинг учун ҳам футболчининг Испанияга қайтиши масаласи молиявий жиҳатдан "Жирона"нинг Ла Лигада қолиши билан бевосита боғлиқ бўлади.

Шуни алоҳида қайд этиш лозимки, Довбик бу мавсумда «Рома» сафида ҳам жиддий ўйинлар ўтказмоқда. Унинг Италиядаги дебют мавсумидаги ҳаракатлари мухлисларнинг катта эътиборига сабаб бўлди. Жорий мавсумда форвард 30 дан зиёд учрашувда иштирок этиб, жамоасининг муҳим футболчиларидан бирига айланди.

Ҳозирча футболчи ёки клуб томонидан расмий маълумот йўқ. Лекин мавсум якунлангач, бу трансфер масаласи янада аниқроқ кўринишга эга бўлади. «Замин»ни Telegram’да ўқинг!