Рамазон Темиров vs Асу Алмабаев: Супер енгил вазнда Марказий Осиё дербиси бўладими?

Оқшом қувончига айланган UFC Fight Night 253 турнирида юртимиз шарафини ҳимоя қилган Рамазон Темиров ўзининг жозибали ва техник жиҳатдан етук чиқишлари билан мухлисларни ҳайратда қолдиришда давом этмоқда. Бу гал у америкалик тажрибали жангчи Чарльз Жонсонни мағлуб этиб, супер енгил вазн тоифасидаги жаҳон рейтингининг 13-поғонасига кўтарилди.

Энди эса жанг муҳитида янги шов-шувлар тарқалди. Расмий тасдиқ бўлмаса-да, ишончли манбаларга кўра, Темиров навбатдаги жангини қозоғистонлик кучли рақиб — Асу Алмабаевга қарши ўтказиши мумкин. Бу тўқнашув 26 июль куни Бирлашган Араб Амирликларидаги навбатдаги "UFC Fight Night" тадбирида бўлиб ўтиши кутилмоқда.

Асу Алмабаев UFC даги фаолиятида ўзини жиддий рақиб сифатида кўрсатган ва ҳозирда вазн тоифасида 8-ўринда турибди. Агар ушбу жанг амалга ошса, бу нафақат спорт нуқтаи назаридан, балки минтақавий нуфуз жиҳатидан ҳам ўта қизиқарли ва тарихий воқеа бўлади.

Темировнинг ММАдаги натижалари эса диққатга сазовор: 19 ғалаба ва бор-йўғи 3 мағлубият. Унинг партадаги ҳаракатлари, тезкорлиги ва стратегик тафаккури уни жаҳон миқёсидаги рақибларга муносиб деб кўрсатмоқда.

Бу жанг амалга ошса, Марказий Осиё икки гиганти — Ўзбекистон ва Қозоғистон спортчилари ўртасидаги ўзига хос дербига айланиши тайин. Икки миллатнинг ҳам юраги UFC октагонидаги бу муҳташам тўқнашув учун ура бошлади.

Рамазон Темировнинг ривожи ва унинг эҳтимолий рақибларига қарши жанги ҳақида янада аниқ маълумотлар келгуси ҳафтарда расмий манбалар томонидан эълон қилинади, деб кутилмоқда.

Ҳали расмий тасдиқ берилмаган бўлса-да, бу икки маҳоратли жангчининг октагондаги юзма-юз қарамаси UFC тарихидаги энг кучли тўқнашувлардан бирига айланиши мумкин. Интизорлик билан кутамиз! «Замин»ни Telegram’да ўқинг!