Клопп “Рома”ни қабул қиладими? Элдор Шомуродовнинг устози ўзгариши мумкин

Юрген Клопп жамоа бошида яна қайтиши мумкин — бу гал Италияда. “La Stampa” нашри тарқатган хабарларга кўра, яқинда “Ливерпуль” билан хайрлашган машҳур мутахассис “Рома” клуби билан музокараларда аниқ қарарга келган. Манбанинг таъкидлашича, Клопп 18 май куни “римликлар”нинг таклифини қабул қилган.

Маълум қилинишича, “Рома” раҳбарияти жамоа фаолиятига жиддий ислоҳотлар киритишга қарор қилган ва ёзги трансфер ойнасида камида 6 нафар янги футболчи билан шартнома имзолашни режалаштирмоқда.

Айни пайтда жамоа А Серияда 5-ўринни эгаллаб турибди ва ЕЧЛ йўлланмаси учун охирги турда жиддий кураш олиб боради. Жамоа бош мураббийи Клаудио Раньери эса мавсум якунланиши билан лавозимини тарк этиши маълум қилинган.

Юрген Клопп “Ливерпуль”даги фаолияти давомида Англия Премьер-лигаси ва Европа Чемпионлар Лигасини ютган. Энди эса у янги чақириқ — Италиядаги катта лойиҳа учун “Рома” билан йўл олиши мумкин.

Ўзбекистон миллий терма жамоаси сардори Элдор Шомуродов учун эса бу ўзгариш катта эҳтимол билан янги имкониятлар эшигини очиши мумкин. Клопп унинг салоҳиятини қандай баҳолайди — бунга вақт жавоб беради.

Zamin.uz таҳририяти Юрген Клоппнинг Италияга кўчиши билан боғлиқ жараёнларни диққат билан кузатиб боради. Сиз уни “Рома”да қандай кўришни истайсиз? «Замин»ни Telegram’да ўқинг!