date
views 1 450

ЖЧ-2026 йўлланмалари учун Осиёда кескин жанглар бошланади!

ЖЧ-2026 йўлланмалари учун Осиёда кескин жанглар бошланади!
Бугун Осиё қитъасида футбол ишқибозлари кутаётган муҳим ва ҳал қилувчи баҳслар ўтказилади. Жаҳон чемпионатига йўл олиш мақсадида 9-тур ўйинларида бир қатор терма жамоалар ўз тақдирларини ҳал қилишлари мумкин.

Ўзбекистон ЖЧ эшигини кенг очадиган бир қадам остида

Ўзбекистон терма жамоаси БАА майдонида муҳим учрашув ўтказади. Гуруҳдаги ҳолатдан келиб чиқиб, ўзбекистонлик футболчилар дуранг ёки ғалаба билан тарихдаги илк ЖЧ йўлланмасини нақд қилиши мумкин. Ҳозирги пайтда гуруҳда Эрон 20 очко билан пешқадам бўлиб турибди, Ўзбекистон эса 17 очко билан иккинчи ўринни эгаллаган. Учинчи ўриндаги БАА терма жамоасида 13 очко бор ва улар фақат ғалаба учун майдонга тушади.

Гуруҳнинг бошқа ўйинларида Эрон Қатарга қарши майдонга тушади, Қирғизистон эса Саудия Арабистонида Шимолий Корея билан тўқнаш келади.

- 21:00 БАА – Ўзбекистон
- 23:15 Қатар – Эрон, КХДР – Қирғизистон

Корея Республикаси ва Иордания учун муҳим имконият

"В" гуруҳида Корея Республикаси Ироққа қарши баҳсда камида дуранг қайд этса, ЖЧ йўлланмасини қўлга киритади. Иордания термаси эса сафарда Ўмонни мағлуб этса, улар ҳам жаҳон чемпионати йўлланмасини нақд қилиш имкониятига эга бўлади.

- 21:00 Ўмон – Иордания
- 23:15 Ироқ – Корея Республикаси, Кувайт – Фаластин

"С" гуруҳида кескин рақобат: Австралия ва Саудия Арабистонининг тақдири нимадан ҳал бўлади?

"С" гуруҳида Австралия ўз уйида гуруҳ пешқадами Япония билан ўта масъулиятли баҳсда майдонга тушади. Агар Австралия бугун Японияни мағлуб этса ва Саудия Арабистони ҳам ўз учрашувида Баҳрайн устидан ғалаба қозонса, сўнгги турда Саудия Арабистони – Австралия ўйинида ЖЧ йўлланмаси учун кескин ва драматик учрашув бўлиб ўтади.

- 16:10 Австралия – Япония
- 18:45 Индонезия – Хитой
- 21:00 Баҳрайн – Саудия Арабистони

Футбол мухлислари учун бугунги кеча бутун Осиё бўйлаб чексиз ҳаяжонларга бой кечади. Энг кучли жамоаларнинг кескин рақобатида ЖЧ-2026 йўлланмаларининг тақдири ҳал қилинади.
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Янгиликлар » Спорт » ЖЧ-2026 йўлланмалари учун Осиёда кескин жанглар бошланади!