"Манчестер Сити" Рейндрсни қўлга киритди: 70 миллионлик трансфер якунланди

Тейани Рейндрс "Манчестер Сити" билан шартнома имзолаш арафасида: барча тестлар ортда қолди.

"Манчестер Сити" ўз сафини яна бир маҳоратли ярим ҳимоячи билан тўлдириш арафасида. Европа футболида тобора ном чиқараётган нидерландиялик истеъдод Тейани Рейндрс аллақачон инглиз клуби учун тиббий кўрикдан муваффақиятли ўтди, деб хабар бермоқда журналист Фабрицио Романо.

Аввалроқ хабар қилинганидек, "шахарликлар" 25 ёшли футболчини Италиянинг "Милан" жамоасидан 70 миллион еврога (шу жумладан бонуслар) сотиб олиш борасида келишувга эришган.

А Сериянинг ўтган мавсумида Рейндрс "Милан" сафида 37 та ўйинда иштирок этди ва жамоаси учун муҳим фигурага айланди. Унинг фаолияти давомида жамоасига 10 та гол ва 4 та ассист билан ҳисса қўшгани қайд этилган. Универсал позицияда ўйнай олиши, юқори техник маҳорати ва майдонни яхши кўра олиши туфайли у Гвардиоланинг тактик режалари учун жуда мос келади.

"Манчестер Сити" жамоаси учун бу трансфер жуда аҳамиятли ҳисобланади. Сабаби клуб жаҳон даражасидаги футболчилар билан таркибни янада мустаҳкамлашга интилмоқда. Рейндрс эса жамоанинг марказий зонасида рақобатни ошириши ва ўзининг интеллектуал ўйини билан янги имкониятлар яратиши кутилмоқда.

Трансфер расман эълон қилинмаган бўлса-да, тиббий кўрикдан муваффақиятли ўтиб бўлингани бу келишув яқин кунларда расмийлаштирилишини англатади. Бу янгилик "Сити" ишқибозлари учун янги мавсум олдидан яхши янгилик бўлди.

Тейани Рейндрснинг Премьер-лигада қандай ҳаракат қилиши, "Манчестер Сити"нинг юқори мақсадларига қандай ҳисса қўшиши футбол жамоатчилигини қизиқтирмоқда. Ҳар ҳолда, унинг "Милан"даги самарали статистикаси ва ўйин услуби бунга ишонч уйғотмоқда. «Замин»ни Telegram’да ўқинг!