Сўнгги ҳафталарда "Реал Мадрид"нинг ёрқин юлдузи Винисиус Жуниор атрофидаги трансфер миш-мишлари тинган эди. Бироқ Саудия Арабистонининг энг нуфузли жамоаларидан бири — "Ал-Ҳилол" клуби бош директори Стив Кальсада журналистлар саволига аниқ ва очиқ жавоб берди.
— Винисиусми? Саудия лигаси исталган футболчини олиш имкониятини кўриб чиқиши мумкин. Биз исталган нарсага тайёрмиз, чунки бунга зарур воситаларимиз бор. Биз хоҳлаган футболчини ишонтира оламиз — гап фақат пулда эмас, — дея таъкидлади Кальсада "The Touchline" нашрига берган интервьюсида.
Маълумотларга кўра, Винисиус Жуниорнинг трансфер нархи Transfermarkt томонидан 170 миллион еврога баҳоланмоқда. Шу билан бирга, унинг "Реал Мадрид" билан амалдаги шартномаси 2027 йилгача давом этади ва мадридликлар ҳозирча футболчини қўйиб юбориш ниятида эмас.
Саудия лигасидаги катта молиявий имкониятлар сўнгги йилларда бир қатор юлдуз футболчиларни ўзига жалб қилаётгани сир эмас. Ҳатто энг кучли Европа клублари ҳам бу клублар билан трансферлар масаласида рақобатлашишда қийналмоқда. Винисиус Жуниор ҳам келажакда Саудия лигасига йўл олиш эҳтимолини рад этмайдиган юлдузлар қаторига кириши мумкин.
Таъкидлаш жоиз, мадридликлар сафидаги Винисиус Жуниор ҳозирда дунёнинг энг қиммат футболчиларидан бири ҳисобланади. 23 ёшли бразилиялик "Реал Мадрид"нинг асосий ҳужум кучларидан бири бўлиб, сўнгги мавсумларда жамоа муваффақиятларида муҳим роль ўйнади.
Катта трансферлар вақтидаги миш-мишлар футбол мухлислари учун ҳар доим қизиқ. Винисиуснинг Саудияга йўл олиши ёки "Реал"да қолиши масаласи эса яқин ойларда яна бир неча бор муҳокама марказида бўлиши аниқ. Мухлислар эса бразилиялик юлдузнинг қандай қарор қабул қилишини интиқлик билан кутмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
