«Реал Мадрид»нинг АҚШдаги ўйини олдидан Атланта шаҳри мухлислар билан гавжум бўлди. Mundo Deportivo нашри хабар беришича, «Реал» – «Пачука» баҳси арафасида стадион атрофи жонланган — асосий эътибор эса Винисиус Жуниор, Килиан Мбаппе ва, албатта, Криштиану Роналду номларига қаратилган.
Мухлисларнинг кўпчилиги ушбу юлдузлар либосини кийиб келган бўлиб, энг катта эҳтиром ҳануз Роналдуга бўлгани кўзга ташланди. Бу футболчининг клубдаги фаолияти тугаганига бир неча йиллар ўтган бўлса-да, унга бўлган муҳаббат сўнмаган.
Атлантада яшовчи ва оиласи билан стадионга ташриф буюрган бир мухлис шундай деди:
“Роналду билан боғлиқ хотираларимиз жуда кўп. У «Реал» тарихида алоҳида ўринга эга. Биз ўйиндан завқ олиш ва жамоамизни қўллаб-қувватлаш учун келдик.”
7-рақамли Роналду либосини кийган ота-бола эса қуйидагиларни таъкидлади:
“Фарзандим болалигидан Роналдуни яхши кўради. У Криштиануни «Реал»даги фаолиятидан буён кузатиб келади. Мен ҳам унинг таъсирида «Реал» мухлисига айландим.”
Ўйинга яқин вақт қолганида энг арзон чипталар нархи 92 долларга етган. «Пачука» клуби мухлислари камсонли бўлса-да, жамоасини ёлғиз қолдирмаган. Эслатиб ўтамиз, аввалги турда «Пачука» мағлуб бўлган, «Реал» эса Саудия клуби билан дуранг ўйнаган эди.
Бу каби лаҳзалар Роналдунинг футболга, мухлисларга ва бутун «Реал» тарихига қандай таъсир қилганини яна бир бор намоён этди. Унинг номи, либоси ва руҳи ҳануз стадион атрофида ҳукмрон. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
