Футбол оламида яна бир катта янгилик — машҳур мураббий Карло Анчелоттининг ўғли Давиде Анчелотти мустақил мураббийлик фаолиятини бошлади. Бразилиянинг машҳур клуби “Ботафого” Давидени жамоа бош мураббийи этиб тайинлади. Бу ҳақда клуб расмий сайти орқали маълум қилди.
Маълумотларга кўра, 35 ёшли мутахассис билан тузилган шартнома 2026 йил охиригача амал қилади. Унинг мураббийлик йўли Карло Анчелоттининг ёнида бошланган ва у сўнгги йилларда отасининг штабларида фаол ишлаган. Эндиликда эса Давиде ўз йўлини мустақил бошлайди.
Эътиборли жиҳати шундаки, Давиде Анчелотти отаси бошчилигидаги Бразилия миллий терма жамоасида ёрдамчи мураббий лавозимини тарк этишга қарор қилди. Унга “Ботафого”да тўлиқ бош мураббийлик масъулияти топширилди.
Мухлислар ва футбол мутахассислари бу тайинловни катта қизиқиш билан кузатмоқда. Баъзилар Давидени отасининг муваффақиятли изидан кетиши мумкин деб баҳолашмоқда, бошқалар эса ёш мутахассиснинг синовли йўлини кузатишмоқда.
Бразилия чемпионатида тажрибали мураббийлар фонида ўзини кўрсатиш — осон вазифа эмас. Аммо Давидени олдинда жиддий синовлар, катта имкониятлар ва футболчилар ишончи кутиб турибди.
Сиз нима деб ўйлайсиз: Анчелотти фамилияси янги тарих ёза оладими? «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
