Англия терма жамоаси ва "Манчестер Юнайтед"нинг афсонавий собиқ ҳимоячиси Рио Фердинанд ПСЖ сафида жонбозлик кўрсатаётган Усмон Дембеле ҳақида юқори баҳоларини билдирди. Унинг фикрича, француз ҳужумчисининг сўнгги пайтлардаги ўйини уни жамоадаги энг муҳим шахсга айлантирган.
"Луис Энрике қилган ишни алоҳида қайд этишимиз лозим. У Дембелени ҳақиқий юлдузга айлантирди. Ҳатто айтиш мумкинки, Усмон ҳозир Мбаппедан ҳам муҳимроқ футболчига айланди. Унинг майдондаги меҳнаткашлиги ва техник маҳорати ҳозир янги даражага чиқди. Агар у 'Олтин тўп'ни ютиб олса, бу кўплаб ёшларга илҳом манбаи бўлади", — деди Фердинанд.
Эслатиб ўтамиз, кеча бўлиб ўтган Клублар ўртасидаги жаҳон чемпионати ярим финалида ПСЖ ва "Реал Мадрид" жамоалари ўзаро беллашди. Дембеле ушбу учрашувда майдоннинг ҳақиқий хўжайинига айланди — у нафақат гол урди, балки ҳамюртини голли пас билан таъминлади. Парижликлар ушбу ўйинда "қироллик клуби"ни 4:0 ҳисобида мағлуб этиб, жаҳон чемпионати финалига йўл олди.
Дембеленинг бундай кўтарилишини кўрган футбол мухлислари ҳам унинг профессионалона ўсишини эътироф этмоқда. Унинг ўйин услуби, характеридаги ўзгаришлар ва тактик жиҳатдан пишганлиги футбол жамоатчилигини ҳайратда қолдирмоқда.
Шу нуқтаи назардан қаралганда, Фердинанднинг сўзлари бежиз эмас: Усмон Дембеле энди нафақат ПСЖнинг, балки дунё футболининг энг асосий юлдузларидан бирига айланмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
