Янги форматдаги Клублар ўртасидаги жаҳон чемпионатида зафар қучган Лондоннинг машҳур жамоаси — "Челси" раҳбарияти футболчиларни рағбатлантиришга қарор қилди. Мусобақа ғолиблари ҳар бири 400 минг евродан мукофот пули олишади, деб хабар берди championat.com.
Бу қарор жамоанинг бутун мавсум давомидаги меҳнатини эътироф этиш ва футболчиларнинг фидойилигини алоҳида қадрлаш мақсадида қабул қилинган. “Аристократлар” финалда Европанинг яна бир гиганти ПСЖни йирик 3:0 ҳисобида мағлуб этиш орқали янги форматдаги Жаҳон чемпионатида илк бор чемпионликни қўлга киритишган эди.
Бу ғалаба “Челси” учун нафақат тарихий, балки молиявий жиҳатдан ҳам катта аҳамиятга эга бўлди. Аввалроқ клуб мазкур мусобақадаги муваффақияти орқали 114 миллион евро даромад олгани хабар қилинганди.
Мазкур мукофот футболчиларнинг руҳий ҳолати ва келгуси мавсумдаги мотивациясига ижобий таъсир кўрсатиши табиий. Шунингдек, клуб ичидаги соғлом рақобат ва жамоавий муҳитни янада мустаҳкамлайди.
Айтиш жоиз, “Челси” сўнгги йилларда катта маблағ сарфлаган бўлса-да, трофейлар нуқтаи назаридан анча танаффусда эди. Бу чемпионлик жамоага янги нафас ва ишонч бағишлади. Мухлислар эса энди ушбу зафарли йўлнинг давомини янги мавсумда ҳам кўришни исташмоқда.
Финал учрашувида кўрсатилган ўйин ва жамоавий уйғунлик "Челси"нинг юқори даражада қайта тикланаётганини кўрсатмоқда. Мураббий Энцо Мареска учун ҳам бу натижа — янги босқич бошланиши бўлиши мумкин.
Клуб раҳбариятининг бундай бағрикенг ва адолатли мукофот сиёсати эса жамоа ичидаги ишонч ва профессионаллик муҳитини янада кучайтириши турган гап. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
