«Манчестер Сити» бош мураббийи Пеп Гвардиола Англия Премер-лигасининг 2-турида «Тоттенҳем»дан учралган мағлубиятдан кейин жамоанинг ўйини ҳақида ўз мулоҳазаларини баён қилди. Испаниялик мутахассис натижанинг асосий омилларини вазиятлардан унумли фойдаланилмагани ва прессинг босқичларида содир этилган хатолар билан изоҳлади.
Унинг таъкидлашича, «Тоттенҳем»га қарши беллашувда худди «Брентфорд» билан бўлганига ўхшаш равишда кўплаб прессинглар уюштирилган, аммо бу сафар бошқача ёндашув талаб этилган. «Биз бошқача ўйнашимиз керак эди. Оддий вазиятлардан фойдалана олмадик», — дея қайд этди мураббий, ишончли имкониятлар «гол»га айланмагани тўғридан-тўғри ҳисобга таъсир қилганини уқтириб.
Гвардиола жамоанинг руҳияти ва иштаҳасига эътибор қаратди: «Энг муҳими — ҳаракат ва интилиш, бу борада ҳаммаси жойида». Шу билан бирга, у босим остида оддий хато кучайганини тан олди: «Лекин босим пайтида оддий хатоларга йўл қўйдик, шунга қарамай, гол уриш учун етарлича имконият яратдик. Бу футбол, бундай ҳолатлар бўлиб туради».
Мураббий мавсумнинг ҳали бошланаётганини ҳам эсга солди: «Бу ҳали мавсумнинг иккинчи ўйини, олдинда кўплаб учрашувларлар кутиб турибди». У натижалар силсиласини тўғри йўналишга қайтариш учун вақт ва ишонч етарлилигини урғулади.
«Мен жамоамга ишонаман. Қайси йўналишда кетаётганимизни биламан. Яхши томонларимиз кўп, лекин янада яхшилаш керак бўлган жиҳатларимиз ҳам бор. Аста-секин уларни ҳам тўғрилаймиз», — деди Гвардиола. Унга кўра, прессингни мувозанатлаш, оддий вазиятларда аниқ қарор қабул қилиш ва якуний зарбада собитқадамликни ошириш — тезкор ислоҳ этиладиган нуқталардир.
«Замин»ни Telegram’да ўқинг!
